سندھ: رمضان المبارک میں اسکولوں کے لیے نئے اوقات کار جاری
سندھ حکومت نے رمضان المبارک میں اسکولوں کے نئے اوقات کار کے حوالے سے نوٹیفکیشن جاری کردیا ہے۔
ڈان نیوز کے مطابق صوبہ سندھ میں رمضان المبارک کے دوران اسکولوں کے اوقات کار کے حوالے سے جاری نوٹیفکیشن کے مطابق اسکولوں کے اوقات صبح 7:30 سے 11:30 بجے تک ہوں گے۔
ڈبل شفٹ میں چلنے والے اسکولوں میں دوپہر کی شفٹ کے اوقات کار دن پونے 12 بجے سے دوپہر پونے تین بجے تک ہوں گے۔
اس کے علاوہ جمعہ کے روز اسکول کے اوقات کار صبح 7:30 بجے سے 10:30 بجے تک ہوں گے جبکہ دوپہر کی شفٹ میں جمعے کے دن تدریسی عمل 10:45 سے 1:15 تک ہو گا۔
لائیو ٹی وی