• KHI: Zuhr 12:33pm Asr 5:15pm
  • LHR: Zuhr 12:03pm Asr 4:59pm
  • ISB: Zuhr 12:09pm Asr 5:09pm
  • KHI: Zuhr 12:33pm Asr 5:15pm
  • LHR: Zuhr 12:03pm Asr 4:59pm
  • ISB: Zuhr 12:09pm Asr 5:09pm

سندھی گانے سے ’کوک اسٹوڈیو 15‘ کا آغاز

شائع April 15, 2024
—پرومو فوٹو
—پرومو فوٹو

موسیقی کے شائقین کا طویل انتظار ختم ہوا اور کوک اسٹوڈیو نے ایک سال کے وقفے کے بعد پندرہویں سیزن کا پہلا گانا ریلیز کردیا۔

کوک اسٹوڈیو سیزن 15 کا آغاز سندھی گانے ’آئی آئی‘ سے کیا گیا، جسے نئے گلوکار نعمان علی راجپر نے ماروی اور سائبان کے ساتھ مل کر گایا ہے۔

سندھی گانے کی شاعری نعمان علی راجپر اور بابر منگی نے لکھی ہے جب کہ اس کی موسیقی چار افراد نے ترتیب دی ہے۔

’آئی آئی‘ کی موسیقی نعمان علی راجپر اور بابر منگی کے ساتھ ساتھ پروڈیوسر ذالفقار علی جبار المعروف ذلفی اور عبداللہ صدیقی نے ترتیب دی ہے۔

سندھی گانے کی تیاری میں کوک اسٹوڈیو کے ساتھ گلوکار سیف سمیجو سمیت دیگر فنکاروں نے بھی معاونت کی اور سیزن 15 کے پہلے گانے کو 14 اپریل کو یوٹیوب سمیت دیگر سوشل میڈیا پلیٹ فارمز پر ریلیز کیا گیا۔

گانے کو فوک سندھی موسیقی کی وجہ سے سراہا گیا، تاہم گانا زیادہ شائقین کی توجہ حاصل کرنے میں ناکام رہا۔

’آئی آئی‘ کو یوٹیوب پر ایک ہی دن میں 10 لاکھ بار تک دیکھا گیا اور اسے صارفین نے سوشل میڈیا پر بھی شیئر کیا۔

کوک اسٹوڈیو سیزن 15 کے آغاز میں ہی مقامی زبان کے گانے کو ریلیز کیے جانے کے بعد خیال کیا جا رہا ہے کہ سیزن میں مزید مقامی زبانوں کے گانے بھی پیش کیے جائیں گے۔

کوک اسٹوڈیو 15 میں مجموعی طور پر 11 گانے ریلیز کیے جائیں گے اور امکان ہے کہ پنجابی، پشتو، بلوچی اور سرائیکی میں بھی گانے پیش کیے جائیں گے۔

کارٹون

کارٹون : 16 جون 2024
کارٹون : 15 جون 2024