• KHI: Maghrib 7:25pm Isha 8:54pm
  • LHR: Maghrib 7:11pm Isha 8:50pm
  • ISB: Maghrib 7:22pm Isha 9:06pm
  • KHI: Maghrib 7:25pm Isha 8:54pm
  • LHR: Maghrib 7:11pm Isha 8:50pm
  • ISB: Maghrib 7:22pm Isha 9:06pm

حزب اللہ کی اسرائیلی سرحد کے قریب کارروائی، متعدد اسرائیلی فوجی زخمی

شائع April 15, 2024 اپ ڈیٹ April 16, 2024
دھماکہ خیز ڈیوائس اڑا کر لبنانی حدود میں داخل ہونے والے اسرائیلی فوجیوں کو نشانہ بنایا—فوٹو:الجزیرہ
دھماکہ خیز ڈیوائس اڑا کر لبنانی حدود میں داخل ہونے والے اسرائیلی فوجیوں کو نشانہ بنایا—فوٹو:الجزیرہ

لبنان میں اسرائیلی سرحد کے قریب ہونے والے دھماکے میں متعدد اسرائیلی فوجی زخمی ہو گئے۔

قطری نشریاتی ادارے ’الجزیرہ‘ کی رپورٹ کے مطابق اسرائیلی فوج اور حملے کی ذمہ داری قبول کرنے والی تنظیم حزب اللہ نے دھماکے میں فوجیوں کے زخمی ہونے کی تصدیق کی۔

ایران کی حمایت یافتہ حزب اللہ نے کہا کہ اس نے ’دھماکہ خیز ڈیوائس‘ اڑا کر لبنانی حدود میں داخل ہونے والے اسرائیلی فوجیوں کو نشانہ بنایا۔

حزب اللہ نے کہا کہ اس کے جنگجوؤں نے جنوبی لبنان کے تل اسمٰعیل کے علاقے میں اسرائیلی سرحد کے قریب دھماکا خیز ڈیوائس کو نصب کیا۔

حزب اللہ کی جانب سے جاری بیان میں مزید کہا گیا کہ اس کے جنگجوؤں نے ڈیوائس کو اس وقت دھماکے سے اڑایا جب اسرائیلی فوجی گشت کرتے ہوئے لبنان میں داخل ہوئے اور اس علاقے میں پہنچے جہاں ڈیوائس کو نصب کیا گیا تھا۔

حزب اللہ نے مزید کہا کہ دھماکوں کے نتیجے میں ’ متعدد فوجی ہلاک اور زخمی’ ہوئے، تاہم اس کی جانب سے اس دعوے کی توثیق کے لیے کوئی ثبوت فراہم نہیں کیے گئے۔

ایک اسرائیلی فوجی اہلکار نے خبر رساں ادارے ’رائٹرز‘ کو بتایا کہ رات کو لبنانی حدود میں سینکڑوں میٹر اندر ہونے والے اس دھماکے میں 4 اسرائیلی فوجی زخمی ہوئے۔

اسرائیلی فوج کے ایک ترجمان نے ایجنسی فرانس پریس نیوز ایجنسی کو بتایا ’ہم تصدیق کرتے ہیں کہ یہ واقعہ لبنان کے اندر پیش آیا۔‘

غزہ میں اسرائیلی جارحیت کے آغاز کے بعد تقریبا 6 ماہ کے دوران تقریبا ہر روز ہونے والی جھڑپوں کے درمیان یہ پہلا موقع ہے جب کہ حزب اللہ نے اسرائیل کے ساتھ سرحد پار اس طرح کے حملے کا دعویٰ کیا ہے۔

کارٹون

کارٹون : 23 جون 2024
کارٹون : 22 جون 2024