سندھ: کوٹری میں گورنمنٹ اسکول کی چھت کا پلستر گرنے سے 3 طالبات زخمی
سندھ کے ضلع جامشورو کی تحصیل کوٹری میں گورنمنٹ اسکول کی چھت کا پلستر طالبات کے اوپر آگرا، جس کے نتیجے میں 3 طالبات زخمی ہو گئیں۔
ڈان نیوز کے مطابق زخمی طالبات گورنمنٹ گرلز سیکنڈری اسکول کی کلاس روم میں پڑھائی میں مصروف تھیں۔
اسکول ہیڈ ماسٹر نے بتایا کہ زخمی طالبات کو طبی امداد کے لیے ہسپتال منتقل کر دیا گیا۔
ان کا کہنا تھا کہ اسکول کی خستہ حالت پر متعدد بار محکمہ ایجوکیشن کو شکایت کی جاچکی ہے۔
لائیو ٹی وی