• KHI: Maghrib 7:14pm Isha 8:40pm
  • LHR: Maghrib 6:58pm Isha 8:33pm
  • ISB: Maghrib 7:08pm Isha 8:48pm
  • KHI: Maghrib 7:14pm Isha 8:40pm
  • LHR: Maghrib 6:58pm Isha 8:33pm
  • ISB: Maghrib 7:08pm Isha 8:48pm

سندھ کا استاد بارات چھوڑ کر امتحان لینے اسکول پہنچ گیا

شائع April 20, 2024
—اسکرین شاٹ
—اسکرین شاٹ

سندھ کے شہر ٹنڈو الہ یار کی تحصیل میں پرائمری اسکول کی جانب سے بارات چھوڑ کر طلبہ کے امتحان لینے کے لیے اسکول پہنچنے کی ویڈیو وائرل ہوگئی۔

سوشل میڈیا پر وائرل ہونے والی ویڈیو میں پرائمری استاد کو عروسی لباس میں طلبہ سے امتحانات لیتے ہوئے دیکھا جا سکتا ہے۔

رپورٹ کے مطابق ٹنڈو الہ یار کی تحصیل چمبڑ کے گوٹھ میں موجود سرکاری پرائمری اسکول کے استاد کی شادی تھی اور وہ بارات لے کر دوسرے شہر جا رہے تھے لیکن بارات سمیت دوسرے شہر جانے سے قبل اسکول آگئے۔

آئی بی اے ٹیسٹ پاس کرکے پرائمری ٹیچر بننے والے شیراز رسول خاصخیلی کے مطابق ان کی شادی امتحانات سے قبل ہی طے تھی لیکن ان کی شادی کے دن بچوں کے امتحانات ہونے تھے، اس لیے وہ بارات کو چھوڑ کر اسکول آئے۔

پرائمری اسکول ٹیچر کی جانب سے عروسی میں لباس میں اسکول آکر پرائمری اسکول کے بچوں کے امتحانات لینے کی ویڈیو وائرل ہوگئی اور لوگوں ان کی تعریفیں کیں۔

بعض لوگوں نے اسکول ٹیچر کی جانب سے شادی کے عروسی لباس میں اسکول آکر بچوں کا امتحان لینے اور اپنی بارات کو چھوڑ کر آنے کو شہرت کا ایک ذریعہ بھی قرار دیا۔

پرائمری اسکول ٹیچر شیراز رسول خاصخیلی بچوں سے امتحانی پیپر لینے کے بعد بارات سمیت ٹنڈو الہ یار سے ٹنڈو آدم خان دلہن لینے چلے گئے۔

کارٹون

کارٹون : 24 مئی 2024
کارٹون : 23 مئی 2024