• KHI: Fajr 4:14am Sunrise 5:43am
  • LHR: Fajr 3:19am Sunrise 4:58am
  • ISB: Fajr 3:14am Sunrise 4:58am
  • KHI: Fajr 4:14am Sunrise 5:43am
  • LHR: Fajr 3:19am Sunrise 4:58am
  • ISB: Fajr 3:14am Sunrise 4:58am

فاسٹ باؤلر احسان اللہ کی انجری کا جائزہ لینے کیلئے پی سی بی کا آزاد میڈیکل بورڈ تشکیل

شائع April 21, 2024
احسان اللہ گزشتہ سال انجری کا شکار ہوئے تھے— فوٹو بشکریہ پی سی بی
احسان اللہ گزشتہ سال انجری کا شکار ہوئے تھے— فوٹو بشکریہ پی سی بی

پاکستان کرکٹ بورڈ (پی سی بی) نے فاسٹ بولر احسان اللہ کی انجری کا جائزہ لینے کے لیے آزاد میڈیکل بورڈ تشکیل دے دیا۔

ڈان نیوز کے مطابق میڈیکل بورڈ ڈاکٹر جاوید اکرم، ڈاکٹر رانا دل آویز اور ڈاکٹر ممریز نقشبند پر مشتمل ہے، میڈیکل بورڈ احسان اللہ کی انجری کا جائزہ لے گا۔

اس کے علاوہ 3 رکنی بورڈ احسان اللہ کے علاج میں معاونت بھی فراہم کرے گا۔

واضح رہے کہ 4 اپریل کو قومی فاسٹ باؤلر احسان اللہ کی انجری کی غلط تشخیص پر چیئرمین پاکستان کرکٹ بورڈ(پی سی بی) محسن نقوی نے شدید برہمی کا اظہار کیا تھا۔

پی سی بی کے ڈاکٹرز کی جانب سے احسان اللہ کی انجری کی غلط تشخیص کی گئی تھی جس کے نتیجے میں پی ایس ایل کی تاریخ میں تیز ترین گیند کرنے والے باؤلر کافی عرصہ سے کرکٹ سے باہر ہیں۔

واضح رہے کہ پاکستان سپر لیگ کی فرنچائز ملتان سلطانز کی نمائندگی کرنے والے احسان اللہ نے لیگ کے آٹھویں ایڈیشن میں عمدہ کارکردگی سے شہرت حاصل کی تھی اور اسی وجہ سے انہیں گزشتہ سال نیوزی لینڈ کے خلاف سیریز کے لیے پاکستان کے اسکواڈ میں شامل کیا گیا تھا۔

تاہم اسی سیریز میں وہ کہنی کی انجری کا شکار ہوئے اور ایشیا کپ اور ورلڈ کپ جیسے بڑے مقابلوں سے باہر ہو گئے اور اس سال پاکستان سپر لیگ میں بھی اپنی فرنچائز کی نمائندگی نہ کر سکے۔

کارٹون

کارٹون : 20 جون 2024
کارٹون : 17 جون 2024