اقتصادی رابطہ کمیٹی (ای سی سی) نے پاسکو کی گندم خریداری کا ہدف 4 لاکھ میٹرک ٹن بڑھا کر 18 لاکھ میٹرک ٹن کردیا۔

وزیر خزانہ محمد اورنگزیب کی زیر صدارت اقتصادی رابطہ کمیٹی کے اجلاس میں پاسکو کی گندم خریداری کا ہدف 14 لاکھ میٹرک ٹن سے بڑھا کر 18 لاکھ میٹرک ٹن کرنے کا فیصلہ کیا گیا۔

ای سی سی نے پاور سیکٹر کے لیے 127 ارب 50 کروڑ روپے کی رقم جاری کرنے کی منظوری بھی دی۔

اس میں کے الیکٹرک کے لیے ایڈوانسڈ سبسڈی کی مد میں 70 ارب روپے، آزاد کشمیر کے ٹیرف کا فرق ختم کرنے کے لیے 55 ارب روپے اور پاور ڈویژن کے لیے 2 ارب 50 کروڑ روپے کی گرانٹ شامل ہے۔