• KHI: Fajr 4:14am Sunrise 5:43am
  • LHR: Fajr 3:18am Sunrise 4:58am
  • ISB: Fajr 3:13am Sunrise 4:57am
  • KHI: Fajr 4:14am Sunrise 5:43am
  • LHR: Fajr 3:18am Sunrise 4:58am
  • ISB: Fajr 3:13am Sunrise 4:57am

سندھ میں آئندہ سال سے امتحانات پرائیوٹ سینٹرز میں کرانے پر پابندی

شائع May 22, 2024
وزیر جامعات و بورڈز محمد علی ملکانی— فوٹو بشکریہ سندھ اسمبلی ویب سائٹ
وزیر جامعات و بورڈز محمد علی ملکانی— فوٹو بشکریہ سندھ اسمبلی ویب سائٹ

صوبائی وزیر جامعات و بورڈز نے صوبے میں ہونے والے میٹرک کے امتحانات میں نقل اور بدانتظامی پر برہمی کا اظہار کرتے ہوئے کہا ہے کہ آئندہ سال سے تمام امتحانات سرکاری اسکولوں و کالجوں میں منعقد کروائے جائیں۔

وزیر جامعات و بورڈز محمد علی ملکانی کی زیر صدارت اجلاس ہوا جس میں میٹرک و انٹر بورڈ کے متعلقہ افسران پر برہمی کا اظہار کیا گیا۔

اجلاس میں میٹرک امتحانات میں بدانتظامی اور بے قاعدگیوں پر افسران سے جواب طلبی کرتے ہوئے کہا کہ امتحانات میں غیرشفافیت کی شکایات موصول ہوئی ہیں لہٰذا غیرشفافیت کے ذمہ داران کے خلاف کارروائی کی جائے۔

محمد علی ملکانی نے کہا کہ افسران سے امتحانات پرائیویٹ سینٹرز میں منعقد کرانے پر بھی جواب طلب کرتے ہوئے کہا کہ بورڈز افسران کی کارکردگی مایوس کن ہے اور پرائیوٹ سینٹرز میں بچوں کو شدید مشکلات کا سامنا کرنا پڑا ہے۔

انہوں نے کہا کہ کسی بھی قسم کی غفلت برداشت نہیں کی جائے گی اور آئندہ برس پرائیوٹ سینٹرز میں امتحانات منعقد نہیں کیے جائیں۔

وزیر جامعات نے ہدایت کی کہ آئندہ سال سے تمام امتحانات سرکاری اسکولوں و کالجوں میں منعقد کروائے جائیں۔

کارٹون

کارٹون : 16 جون 2024
کارٹون : 15 جون 2024