• KHI: Maghrib 7:22pm Isha 8:51pm
  • LHR: Maghrib 7:08pm Isha 8:47pm
  • ISB: Maghrib 7:19pm Isha 9:03pm
  • KHI: Maghrib 7:22pm Isha 8:51pm
  • LHR: Maghrib 7:08pm Isha 8:47pm
  • ISB: Maghrib 7:19pm Isha 9:03pm

صدر آصف زرداری سے وزیر اعظم کی ملاقات، بجٹ میں عوام کو ریلیف فراہم کرنے کے متعلق تجاویز پر تبادلہ خیال

شائع June 11, 2024
صدر مملکت نے وزیر اعظم سے کہا کہ بجٹ میں غریب اور متوسط طبقات کا خاص خیال رکھیں — فائل فوٹو: اے پی پی
صدر مملکت نے وزیر اعظم سے کہا کہ بجٹ میں غریب اور متوسط طبقات کا خاص خیال رکھیں — فائل فوٹو: اے پی پی

صدر مملکت آصف علی زرداری اور وزیر اعظم شہباز شریف کے درمیان ملاقات میں آئندہ بجٹ میں عوام کو ریلیف فراہم کرنے کے حوالے سے تجاویز پر تبادلہ خیال کیا گیا۔

ڈان نیوز کے مطابق صدر آصف علی زرداری سے وزیر اعظم شہباز شریف نے ایوانِ صدر میں ملاقات کی جس میں وفاقی وزیر منصوبہ بندی و خصوصی اقدامات پروفیسر احسن اقبال بھی موجود تھے۔

ملاقات میں ملک کی مجموعی معاشی اور مالی صورتحال پر گفتگو کی گئی جبکہ آئندہ بجٹ میں عوام کو ریلیف فراہم کرنے کے حوالے سے تجاویز پر تبادلہ خیال بھی کیا گیا۔

صدر مملکت نے وزیر اعظم سے کہا کہ بجٹ میں غریب اور متوسط طبقات کا خاص خیال رکھیں۔

صدر مملکت اور وزیرِ اعظم نے آئندہ بجٹ میں ترقیاتی منصوبوں پر بات کی جبکہ شہباز شریف نے آصف زرداری کو حالیہ دورہِ چین کے بارے میں بھی آگاہ کیا۔

صدر مملکت نے وزیرِ اعظم کو ملکی ترقی اور معاشی اہداف کے حصول میں تعاون کی یقین دہانی کرائی۔

کارٹون

کارٹون : 13 جون 2024
کارٹون : 12 جون 2024