پی ٹی آئی قیادت کا جیل میں عمران خان سے ملاقات کیلئے اسلام آباد ہائیکورٹ سے رجوع
پاکستان تحریک انصاف ( پی ٹی آئی) کے بانی عمران خان سے جیل میں ملاقات کیلئے پی ٹی آئی قیادت نے اسلام آباد ہائیکورٹ میں درخواست دائرکردی۔
ڈان نیوز کے مطابق پی ٹی آئی خیبرپختونخوا کے صدر جنید اکبر، شیر علی ارباب، رؤف حسن اور امجد علی نے وکیل عائشہ خالد ایڈووکیٹ کے توسط سے اسلام آباد ہائی کورٹ میں مشترکہ درخواست دائر کی ہے۔
درخواست میں استدعا کی گئی ہے کہ عمران خان سے گزشتہ روز ملاقات نہیں کرنے دی گئی، ملاقات کی اجازت دی جائے۔
صحافیوں سے گفتگو میں جنید اکبر نے کہا بانی پی ٹی آئی وزیراعظم رہ چکے ہیں لیکن جیل مینوئل کے مطابق ان سے ملاقات نہیں کرنے دی جا رہی۔
واضح رہے کہ تحریک انصاف کے رہنماؤں کو گزشتہ روز عمران خان سے اڈیالہ جیل میں ملاقات کی اجازت نہیں دی گئی تھی۔
لائیو ٹی وی