لاہور ہائیکورٹ نے پنجاب میں بلدیاتی الیکشن نہ کروانے پر حکومت سے جواب مانگ لیا
لاہور ہائی کورٹ نے پنجاب میں بلدیاتی انتخابات نہ کروانے پر صوبائی حکومت اور صوبائی سیکریٹری لوکل گورنمنٹ سے رپورٹ طلب کرلی۔
ڈان نیوز کے مطابق لاہور ہائی کورٹ میں جماعت اسلامی کی بلدیاتی انتخابات نہ کروانے کے خلاف درخواست پر سماعت ہوئی، جسٹس فاروق حیدر نے جماعت اسلامی کی درخواست پر سماعت کی۔
عدالت عالیہ پنجاب نے صوبائی حکومت اور سیکریٹری لوکل گورنمنٹ پنجاب سے رپورٹ طلب کرتے ہوئے سماعت 2 ہفتوں کے لیے ملتوی کردی۔
درخواست میں موقف اختیار کیا گیا ہے کہ پنجاب میں بلدیاتی الیکشن نہیں کرائے جارہے، آئین کے آرٹیکل 140 کے تحت بلدیاتی الیکشن کرانا لازمی ہیں۔
جماعت اسلامی کے وکیل کی جانب سے مؤقف اختیار کیا گیا ہے کہ جمہوری نظام میں نچلی سطح پر اختیارات منتقل کیے جاتے ہیں تاکہ عوام کے مسائل مقامی سطح پر تیز رفتاری کے ساتھ حل کیے جاسکیں، تاہم پنجاب میں بلدیاتی الیکشن نہ کروانا آئین کی خلاف ورزی کے مترادف ہے۔
لائیو ٹی وی