سوات: مینگورہ اور گردونواح میں زلزلے کے جھٹکے
خیبرپختونخوا کے ضلع سوات کے شہر مینگورہ اور گردونواح میں زلزلے کے جھٹکے محسوس کیے گئے ہیں جس سے عوام خوفزدہ ہوکر گھروں سے باہر نکل آئی۔
ڈان نیوز کے مطابق مینگورہ اور اطراف میں زلزلے کے جھٹکے محسوس کیے گئے ہیں جس کی شدت ریکٹر اسکیل پر 5 ریکارڈ کی گئی۔
زلزلے کے باعث لوگ خوفزدہ ہوکر گھروں سے باہر نکل آئے اور کلمہ طیبہ کا ورد کرتے رہے۔
زلزلہ کوہ پیما مرکز کے مطابق زلزلےکی زیرزمین گہرائی 130 کلومیٹر تھی جب کہ زلزلے کا مرکز کوہ ہندوکش افغانستان تھا۔
اس سے قبل، بلوچستان کے ضلع ژوب میں بھی زلزلے کے جھٹکے محسوس کیے گئے تھے۔
زلزلہ پیما مرکز کے مطابق ژوب میں محسوس کیے گئے زلزلے کی شدت 4 اعشاریہ 9 اور گہرائی 30 کلو میٹر ریکارڈ کی گئی جب کہ زلزلے کا مرکز ژوب سے 70 کلو میٹر جنوب مشرق میں تھا۔
لائیو ٹی وی