ذی الحج کا چاند دیکھنے کیلئے مرکزی رویت ہلال کمیٹی کا اجلاس آج اسلام آباد میں ہوگا
ذی الحج کا چاند دیکھنے کے لیے مرکزی رویت ہلال کمیٹی کا اجلاس آج اسلام آباد میں منعقد ہوگا۔
ڈان نیوز کے مطابق مرکزی رویت ہلال کمیٹی کے اجلاس کی صدارت چیئرمین مولانا سید محمد عبدالخبیر آزاد کریں گے۔
زونل رویت ہلال کمیٹیاں بھی ذی الحج کے چاند کی رویت کے لیے اپنے اپنے متعلقہ صدر دفاتر میں اجلاس میں منعقد کریں گی۔
واضح رہے کہ پاکستان اسپیس اینڈ اپر ایٹموسفیئر ریسرچ کمیشن (سپارکو) نے ماہ ذی الحج 1446 ہجری کے چاند کی رویت کے حوالے سے ’سائنسی تجزیے، فلکیاتی ڈیٹا، اور جدید مشاہداتی تکنیکوں‘ کی بنیاد پر ایک پیش گوئی جاری کر رکھی ہے۔
سپارکو کی جانب سے جای بیان میں کہا گیا تھا کہ ذی الحج کے چاند کی پیدائش 27 مئی کو ہوگی، جس کا مطلب ہے کہ یکم ذی الحج جمعرات 29 مئی کو ہوگی جبکہ ملک بھر میں عید الاضحیٰ کا تہوار 7 جون کو منائے جانے کا امکان ہے۔
لائیو ٹی وی