مسلسل دوسرے روز سونے کی قیمت بڑھ گئی
ملک بھر میں مسلسل دوسرے روز سونے کی قیمتوں میں اضافے کا رجحان دیکھا گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کی قیمت ایک ہزار روپے اضافے سے 3 لاکھ 54 ہزار 100 روپے ہو گئی۔
ایسوسی ایشن کے مطابق 24 قیراط 10 گرام سونا بھی 857 روپے مہنگا ہو کر 3 لاکھ 3 ہزار 583 روپے کا ہو گیا، جبکہ 22 قیراط کے 10 گرام کی قیمت 786 روپے بڑھ کر 2 لاکھ 78 ہزار 294 روپے ہوگئی۔
ادھر، فی تولہ اور 10 گرام چاندی کی قیمتیں بالترتیب 130 اور 112 روپے اضافے سے 3 ہزار 586 روپے اور 3 ہزار 74 روپے ہوگئیں۔
ایسوسی ایشن کے مطابق عالمی مارکیٹ میں فی اونس سونے کی قیمت 10 ڈالر اضافے سے 3 ہزا ر357 ڈالر ہو گئی۔
واضح رہے کہ گزشتہ روز 24 قیراط کے حامل فی تولہ خالص سونے کی قیمت 5 ہزار 900 روپے اضافے سے 3 لاکھ 53 ہزار 100 روپے ہو گئی تھی۔
اسی طرح 24 قیراط 10 گرام سونا 5 ہزار 58 روپے مہنگا ہو کر 3 لاکھ 2 ہزار 726 روپے میں فروخت ہوا تھا۔
لائیو ٹی وی