زرمبادلہ کے مجموعی ذخائر تاریخ کی بلند ترین سطح پر پہنچ گئے، اسٹیٹ بینک
اسٹیٹ بینک آف پاکستان کے مطابق ملکی زرمبادلہ کے مجموعی ذخائر 20 ارب ڈالر سے تجاوز کرگئے جو تاریخ کی بلند ترین سطح ہے۔
اسٹیٹ بینک نے زرمبادلہ کے ذخائر سے متعلق ہفتہ وار اعداد و شمار جاری کردیے، جن کے مطابق 4جولائی تک زرمبادلہ کے سرکاری ذخائرکی مالیت 14 ارب 50کروڑ 22لاکھ ڈالر تھی۔
گزشتہ ہفتےکے دوران زرمبادلہ کے سرکاری ذخائر میں ایک ارب 77 کروڑ 44 لاکھ ڈالر اور کمرشل بینکوں کے ذخائر میں 16کروڑ 32 لاکھ ڈالر کااضافہ ہوا۔
اعداد و شمار کے مطابق 4 جولائی کو ختم ہونے والے ہفتے میں کمرشل بینکوں کے پاس 5 ارب 52 کروڑ 65 لاکھ ڈالر کے ذخائر موجود تھے۔
اسٹیٹ بینک کے مطابق گزشتہ ہفتے کے اختتام پر ملک کے مجموعی زرمبادلہ کے ذخائر کی مالیت 20 ارب 2 کروڑ 87 لاکھ ڈالر ریکارڈ کی گئی۔
لائیو ٹی وی