گلگت بلتستان: کالے ریچھ کے غیرقانونی شکار پر وفاقی وزیر کا سخت نوٹس
گلگت بلتستان کے علاقے تانگیر میں کالے ریچھ کے غیر قانونی شکار پر وفاقی وزیر ڈاکٹر مصدق ملک نے سخت نوٹس لے لیا۔
ڈان نیوز کے مطابق وفاقی وزیر نے تانگیر واقعے کے ملزمان کے خلاف ایف آئی آر درج کرنے اور قانونی کارروائی کرنے کے احکامات جاری کردیے۔
اس حوالے سے ڈاکٹر مصدق ملک نے وزیرِ اعلیٰ گلگت بلتستان کے ساتھ رابطہ کرتے ہوئے بروقت اقدامات یقینی بنانے کا عزم کیا۔
انہوں نے مقامی برادری کو شامل کر کے ملوث عناصر کی نشاندہی اور گرفتاری کا عمل تیز کرنے کی بھی ہدایت کی۔
ان کا کہنا تھا کہ جنگلی حیات کے خلاف پرتشدد اقدامات ناقابلِ قبول ہیں، جنگلی حیات کے تحفظ کے لیے قوانین کا سختی سے نفاذ کیا جائے گا۔
وفاقی وزیر نے وائلڈ لائف مینجمنٹ بورڈز کو فوری اور مؤثر اقدامات کی ہدایت کی۔
لائیو ٹی وی