لاہور: بیوہ کے گھرسے 30 لاکھ روپے مالیت کے زیورات چرانے والی استانی گینگ سمیت گرفتار
لاہور کے علاقے ساندہ میں بیوہ خاتون کے گھرسے 30 لاکھ روپے مالیت کے طلائی زیورات چوری کرنے والی مرکزی ملزمہ کو پولیس نے گرفتارکرلیا۔
ڈی آئی جی انویسٹی گیشن سید ذیشان رضا کے خصوصی ٹاسک پر مرکزی ملزمہ سمیت 3 خواتین کو پاک پتن سے گرفتارکیا گیا۔
پولیس کے مطابق مرکزی ملزمہ مدعیہ کے نجی ٹیوشن سنٹر میں بطور ٹیچر فرائض سرانجام دے رہی تھی، اسی دوران ملزمہ نے گھر کی چابی چرا کر اس کی ڈوپلیکیٹ چابی بنا لی،گھر والوں کی عدم موجودگی میں خواتین ملزمان گھر سے 10 تولے طلائی زیورات اور نقدی چوری کر کے فرار ہوگئیں تھیں۔
خواتین ملزمان کو سی سی ٹی وی کیمروں اور ہیومن انٹیلیجنس کی مدد سے گرفتار کیا گیا ہے، شواہد کی روشنی میں مضبوط چالان مرتب کروا کر قرار واقعی سزا دلوائی جائےگی۔
لائیو ٹی وی