سونے کی قیمتوں میں پھر ہزاروں روپے اضافہ ہو گیا
ملک بھر میں آج پھر سونے کی قیمتوں میں ہزاروں روپے کا اضافہ ہو گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ سونے کی قیمت 3 ہزار 600 روپے بڑھ کر 3 لاکھ 61 ہزار 200 روپے ہو گئی۔
اسی طرح 24 قیراط 10 گرام سونا 3 ہزار 87 روپے اضافے سے 3 لاکھ 9 ہزار 671 روپے میں فروخت ہوا جبکہ 22 قیراط 10 گرام سونے کا بھاؤ بڑھ کر 2 لاکھ 83 ہزار 865 روپے تک پہنچ گیا۔
ادھر، فی تولہ اور 10 گرام چاندی کی قیمتیں بالترتیب 4,012 روپے اور 3,439 روپے پر مستحکم رہیں۔
ایسوسی ایشن کے مطابق، بین الاقوامی مارکیٹ میں سونے کی قیمت 36 ڈالر کے اضافے سے 3 ہزار 387 ڈالر ہو گئی۔
لائیو ٹی وی