کراچی: گیمنگ زون میں 6 مسلح ملزمان 60 افراد سے موبائل فونز اور نقدی لوٹ کر فرار
کراچی کے علاقے گلشن اقبال کے گیمنگ زون میں ڈکیتی کی بڑی واردات ہوئی ہے، ملزمان 60 سے زائد افراد سے موبائل فونز اور نقدی چھین کر فرار ہوگئے۔
ڈان نیوز کے مطابق گلشن اقبال 13 ڈی میں 6 مسلح ملزمان گیمنگ زون میں داخل ہوئے اور 60 سے زائد افراد کو یرغمال بناکر لوٹ مار کی۔
پولیس کا کہنا ہے کہ ملزمان کی تلاش کے لیے قریبی سی سی ٹی وی فوٹیجز حاصل کی جارہی ہیں۔
یاد رہے کہ کراچی میں لوٹ مار اور ڈکیتیوں کی وارداتیں بڑھتی جارہی ہیں، رواں ماہ جولائی میں فیروز آباد سے سنار سے 4 کروڑ روپے لوٹ لیے گئے تھے، اسی طرح کورنگی دو نمبر پر دن دیہاڑے ایک سنار کو گولیاں مار کر قتل کیا گیا، اور لوٹ مار بھی کی گئی۔
اورنگی ٹاؤن میں سعودی عرب سے والد کی تدفین میں شرکت کے لیے آئے ہوئے نوجوان کو بھی قتل کیا گیا، کورنگی کراسنگ میں ایک سنار کو لوٹ لیا گیا، سڑکوں پر شہریوں کا لٹنا معمول ہے۔
اس کے علاوہ شہریوں کی موٹرسائیکلیں اور کاریں چوری ہونے اور چھیننے کی وارداتیں بھی جاری ہیں۔
لائیو ٹی وی