پاکستان کی معاشی بحالی حقیقی ہے، سری لنکا سے موازنہ نہیں کیا جا سکتا، معاشی تھنک ٹینک
معاشی تھنک ٹینک اکنامک پالیسی اینڈ بزنس ڈیولپمنٹ نے کہا ہے کہ پاکستان کی معاشی بحالی حقیقی ہے، اور اس کا سری لنکا سے موازنہ نہیں کیا جا سکتا۔
تھنک ٹینک کی جانب سے جاری اعلامیے میں کہا گیا ہے کہ پاکستان کی معیشت کو سری لنکا کے ناکام ماڈل جوڑنا بے بنیاد ہے، پاکستان سری لنکا کی طرح اپنے زرمبادلہ کے ذخائر کو ضائع نہیں کر رہا۔
اعلامیے کے مطابق پاکستان نے زرمبادلہ ذخائر کو قانونی طریقوں سے بڑھایا، 2023 میں پاکستان کے زرمبادلہ کے ذخائر 3 ارب ڈالرز تھے، 18 جولائی 2025 زرمبادلہ کے ذخائر 14 ارب 46 کروڑ ڈالرز ریکارڈ کیے گئے۔
اکنامک پالیسی اینڈ بزنس ڈیولپمنٹ پاکستان کی ترسیلات زر 27 فیصد اضافے سے 38 ارب ڈالرز ریکارڈ کی گئیں، گزشتہ مالی سال پاکستان کا کرنٹ اکاؤنٹ 2 ارب 11کروڑ ڈالرز سرپلس رہا۔
تھنک ٹینک کا مزید کہنا تھا کہ پاکستان نے ایکسچینج ریٹ کو مارکیٹ نرخ پر رکھتے ہوئے زرمبادلہ کے ذخائر کو بڑھایا، سری لنکا نے ایکسچینج ریٹ کو مصنوعی طریقے سے کنٹرول کرکے زرمبادلہ کے ذخائر بڑھائے۔
اکنامک پالیسی اینڈ بزنس ڈیولپمنٹ کی رپورٹ کے مطابق پاکستان نے بنیادی معاشی اصولوں پر سمجھوتہ کیے بغیر مہنگائی کو کم کیا، پاکستان میں مہنگائی 38 فیصد سے کم ہوکر 3.2 فیصد پر آچکی ہے۔
تھنک ٹینک نے مزید کہا کہ اگست 2023 سے فروری 2024 تک کے نگران دور میں ملک کو ڈیفالٹ ہونے سے بچایا، نگران دور میں آئی ایم ایف اسٹینڈ بائی پروگرام پر عملدرآمد کیا گیا۔
اعلامیے میں مزید بتایا کہ پاکستان نے دسمبر 2024 تک آئی ایم ایف پروگرام کے اہداف پورے کیے، مانیٹری پالیسی نے شرح سود کو 22 فیصد سے کم کرکے 11 فیصد پر کیاگیا۔
تھنک ٹینک کے مطابق پاکستان نے معاشی بحران پر انتہائی مؤثر انداز میں قابو پایا۔
لائیو ٹی وی