مسلسل پانچویں روز سونے کی قیمتوں میں بڑی کمی ہو گئی
ملک بھر میں مسلسل پانچویں روز سونے کی قیمتوں میں کمی کا رجحان دیکھا گیا۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط خالص سونے کی قیمت ایک ہزار 600 روپے گر کر 3 لاکھ 54 ہزار 700 روپے ہو گئی۔
اسی طرح 24 قیراط 10 گرام سونے کا بھاؤ 1372 روپے تنزلی سے 3 لاکھ 4 ہزار 98 روپے ریکارڈ کیا گیا، جبکہ 22 قیراط 10 گرام سونا 2 لاکھ 78 ہزار 757 روپے میں فروخت ہوا۔
ادھر، فی تولہ اور 10 گرام چاندی کی قیمت میں کوئی تبدیلی نہیں آئی اور یہ بالترتیب 3 ہزار 963 روپے اور 3 ہزار 397 روپے پر مستحکم رہی۔
ایسوسی ایشن کے مطابق بین الاقوامی مارکیٹ میں سونے کی قیمت 16 ڈالر کی کمی سے 3 ہزار 320 ڈالر فی اونس ہو گئی۔
واضح رہے کہ 24 جولائی کو 24 قیراط سونے کی فی تولہ قیمت 5 ہزار 900 روپے تنزلی سے 3 لاکھ 59 ہزار روپے ریکارڈ کی گئی تھی۔
25 جولائی کو 24 قیراط کے حامل فی تولہ خالص سونے کی قیمت 2 ہزار 300 روپے کمی سے 3 لاکھ 56 ہزار 700 روپے ہو گئی تھی۔
26 جولائی (ہفتہ) 24 قیراط فی تولہ خالص سونے کی قیمت 300 روپے کمی سے 3 لاکھ 56 ہزار 400 روپے ریکارڈ کی گئی تھی۔
28 جولائی (گزشتہ روز) 24 قیراط خالص سونے کی قیمت 100 روپے گر کر 3 لاکھ 56 ہزار 300 روپے ہو گئی تھی۔
لائیو ٹی وی