پاکستان اور کرغزستان نے کرپٹو اور بلاک چین میں تعاون بڑھانے پر اتفاق کرلیا
پاکستان اور کرغزستان نے کرپٹو اور بلاک چین میں تعاون بڑھانے پر اتفاق کرلیا۔
ڈان نیوز کے مطابق وزیر مملکت برائے کرپٹو و بلاک چین بلال بن ثاقب اور ڈائریکٹر نیشنل انویسٹمنٹ ایجنسی کرغزستان فرخت امینوو کے درمیان اعلیٰ سطح کی ویڈیو کانفرنس ہوئی۔
اس ویڈیو کانفرنس میں کرپٹو، بلاک چین اور ڈیجیٹل فنانس پر تفصیلی گفتگو کی گئی، کرغزستان نیشنل انویسٹمنٹ ایجنسی نے معلومات، تجربات اور بہترین طریقوں کے تبادلے پر زور دیا۔
اس دوران دونوں ممالک نے ورچوئل اثاثوں کی ترقی کے لیے اسٹریٹجک نقطہ نظر میں ہم آہنگی، کرپٹو شعبے میں باقاعدہ شراکت کے لیے مفاہمتی یادداشت پر دستخط کی تجویز دی۔
پاکستان اور کرغزستان نے محفوظ، شفاف اور جدید ڈیجیٹل معیشت کے لیے دو طرفہ تعاون جاری رکھنے کا عزم کیا، وسطی و جنوبی ایشیا میں بلاک چین اور ڈیجیٹل فنانس کا فروغ جاری ہے۔
بلال بن ثاقب نے کہا کہ کرغزستان ڈیجیٹل اثاثوں میں جدت اور یگولیٹری ڈھانچے میں تعاون کے لیے خاص اہمیت کا حامل ہے۔
لائیو ٹی وی