پاک بحریہ کے زیرِ اہتمام پورٹ سیکیورٹی اور ہاربر ڈیفنس مشق کا انعقاد
پاک بحریہ کے زیرِ اہتمام کراچی اور پورٹ قاسم پر 2 روزہ پورٹ سیکیورٹی اور ہاربر ڈیفنس ایکسرسائز کا انعقاد کیا گیا، جس میں پاک بحریہ کی کوسٹل کمانڈ، پاکستان میری ٹائم سیکیورٹی ایجنسی، کراچی پورٹ ٹرسٹ اور دیگر قانون نافذ کرنے والے ادارے شریک ہوئے۔
ڈان نیوز کے مطابق انٹر سروسز پبلک ریلیشنز (آئی ایس پی آر) نے اپنے اعلامیے میں بتایا کہ مشق کے انعقاد کا مقصد بحری تنصیبات کو درپیش ممکنہ خطرات کی بروقت نشاندہی، فوری روک تھام اور مؤثر تدارک یقینی بنانا تھا۔
پاک فوج کے شعبہ تعلقات عامہ نے مزید بتایا کہ 2 روزہ مشق مختلف منظر ناموں پر مشتمل تھی، جس سے متعلقہ اداروں کی تیاری اور مشترکہ ردعمل کی صلاحیتوں کو جانچا گیا۔
آئی ایس پی آر کے مطابق مشق میں مواصلاتی صلاحیت، صورتحال سے آگاہی اور کمانڈ اینڈ کنٹرول نظام کو مربوط بنانے پر خصوصی توجہ دی گئی۔
لائیو ٹی وی