رواں ماہ یمن کے جنگ زدہ علاقوں سے ایک ہزار 140 دھماکا خیز ڈیوائسز کی صفائی مکمل
سعودی عرب کے زمین سے بارودی سرنگوں کی صفائی کے منصوبے ’مسام‘ کے تحت رواں ماہ یمن کے مختلف جنگ زدہ علاقوں سے ایک ہزار 140 دھماکا خیز ڈیوائسز کی صفائی مکمل کرلی گئی، اس منصوبے کو شاہ سلمان مرکز برائے انسانی امداد و راحت (کے ایس ریلیف) نے شروع کیا ہے۔
عرب نیوز کی رپورٹ کے مطابق سعودی پریس ایجنسی (ایس پی اے) نے رپورٹ کیا کہ صفائی کے دوران ایک ہزار 90 بارودی سرنگیں، 49 اینٹی ٹینک مائنز، اور ایک اینٹی پرسنل مائن شامل ہے۔
اب تک مجموعی طور پر مسام کے آغاز سے ہٹائی جانے والی بارودی سرنگوں اور دیگر آلات کی تعداد 5 لاکھ 9 ہزار 612 ہوگئی ہے، یہ آلات یمن کے علاقے میں بے ترتیب طور پر بکھرے ہوئے تھے اور شہریوں اور کمیونٹیز کے لیے سنگین خطرہ تھے۔
مسام کا کردار یمن کو محفوظ بنانے میں اہم ہے، جو مقامی زمین صفائی کے ماہرین کو تربیت دیتا ہے، جدید آلات فراہم کرتا ہے اور دھماکا خیز آلات کے متاثرین کی حمایت کرتا ہے۔
مسام کی ٹیمیں گاؤں، سڑکوں اور اسکولوں کی صفائی کرتی ہیں تاکہ شہریوں کی حفاظت کے ساتھ نقل و حرکت اور انسانی امداد کی فراہمی ممکن ہو سکے۔
اس منصوبے کی کوششوں نے جان و مال کے نقصانات میں نمایاں کمی کی ہے، بے گھر افراد اور کسانوں کو اپنی زمینوں پر واپس آنے، زراعت دوبارہ شروع کرنے اور روزگار کی بحالی میں مدد ملی ہے۔
اس پیش رفت کو اقوام متحدہ اور بین الاقوامی تنظیموں کی جانب سے خوب سراہا گیا ہے۔
لائیو ٹی وی