26 نومبر احتجاج کیس: سابق وزیراعظم آزاد کشمیر کی 18 ستمبر تک ضمانت منظور
اسلام آباد کی انسداد دہشتگردی عدالت نے سابق وزیر اعظم آزاد کشمیر سردار عبد القیوم نیازی کی ضمانت منظور کرتے ہوئے پولیس کو ان کی گرفتاری سے روک دیا۔
ڈان نیوز کے مطابق انسداد دہشت گردی عدالت کے ڈیوٹی جج محمد علی وڑائچ نے پی ٹی آئی رہنماوں کے 26 نومبر احتجاج کیس میں وارنٹ گرفتاری جاری ہونے کے معاملے کیس کی سماعت کی۔
یاد رہے کہ پی ٹی آئی رہنماؤں کے 26 نومبر احتجاج کیس میں جاری وارنٹ گرفتاری کے معاملے سابق وزیر اعظم آزاد کشمیر سردار عبدالقیوم نیازی نے انسداد دہشت گردی عدالت سے رجوع کیا تھا۔
عدالت نے سابق وزیر اعظم سردار عبد القیوم نیازی کی 18 ستمبر تک ضمانت منظور کرتے ہوئے اسلام آباد پولیس کو سابق وزیر اعظم کو گرفتار کرنے سے روک دیا۔
پاکستان تحریک انصاف آزاد کشمیر کے صدر وسابق وزیر اعظم سردار عبد القیوم نیازی کے تھانہ کراچی کمپنی میں وارنٹ گرفتاری جاری کئے گئے تھے۔
لائیو ٹی وی