ایئرکینیڈا کے فضائی میزبانوں کی ہڑتال کے باعث 2 دن میں 1300 پروازیں منسوخ
ایئر کینیڈا نے فضائی میزبانوں کی ہڑتال کے رد عمل میں آپریشن بند کرنا شروع کر دیے، جس کے بعد سیکڑوں پروازیں منسوخ کرنا پڑ گئیں، نتیجے میں یومیہ 1 لاکھ 30 ہزار مسافروں کے لیے سفری افراتفری پیدا ہو گئی۔
ڈان اخبار میں شائع فرانسیسی خبر رساں ادارے ’اے ایف پی‘ کی رپورٹ کے مطابق دنیا بھر کے 180 شہروں کے لیے براہ راست پروازیں چلانے والی کینیڈا کی سب سے بڑی ایئرلائن نے اپنے مسافروں سے کہا کہ اگر ان کے پاس ایئر کینیڈا یا اس کی کم قیمت ذیلی کمپنی ایئر کینیڈا رُوج کا ٹکٹ ہے تو وہ ہوائی اڈے پر نہ آئیں۔
جواب میں، ایئر کینیڈا نے سی یو پی ای سے تعلق رکھنے والے کیبن عملے کو ’لاک آؤٹ‘ کر دیا، جس کے نتیجے میں ملازمین کو تنخواہ کے تنازع پر جاری تعطل کے دوران کام کرنے سے روک دیا گیا، ایئر کینیڈا نے ممکنہ صنعتی کارروائی کے پیش نظر اپنے آپریشنز بتدریج کم کرنا شروع کر دیے تھے۔
جمعہ کی رات 8 بجے تک، ایئر کینیڈا نے کہا کہ اس نے 623 پروازیں منسوخ کر دی ہیں، جس سے ایک لاکھ سے زائد مسافر متاثر ہوئے۔
ہفتے کے دن کے لیے اس کا مکمل 700 پروازوں کا شیڈول منسوخ کر دیا گیا ہے۔
کمپنی نے کہا کہ اس وقت ایئر کینیڈا سی یو پی ای کے ساتھ اجتماعی معاہدے کی تجدید کے لیے مذاکرات کرنے میں سرگرم اور پُرعزم ہے۔
لائیو ٹی وی