ایران: پاکستان کے یومِ آزادی کی مناسبت سے شاندار تقریب، معرکہ حق کی یاد تازہ کی گئی
ایران میں پاکستان کے یومِ آزادی کی مناسبت سے شاندار تقریب کا انعقاد کیا گیا، پاکستان ہاؤس تہران میں منعقدہ تقریب میں یوم آزادی کے ساتھ ساتھ معرکہ حق اور آپریشن بنیان مرصوص کی کامیابی کی یاد بھی تازہ کی گئی۔
ڈان نیوز کے مطابق تقریب کا آغاز سبز ہلالی پرچم کی پرچم کشائی سے ہوا، جو پاکستان کے سفیر محمد مدثر ٹیپو نے قومی ترانے کی دھن پر انجام دی۔
یومِ آزادی کی تقریب میں ایرانی دارالحکومت میں مقیم پاکستانی کمیونٹی اور سفارتخانے کے افسران کی بڑی تعداد نے شرکت کی۔
تقریب کے دوران پاکستان اور ایران کے تجارتی تعلقات کو مزید فروغ دینے کے عزم کا اظہار کیا گیا اور اعلان کیا گیا کہ دونوں ممالک اپنے تجارتی حجم کو 10 ارب ڈالر تک بڑھانے کے لیے کوشاں ہیں۔
تقریب میں مظلوم کشمیری اور فلسطینی عوام کے لیے خصوصی دعا بھی کی گئی۔
لائیو ٹی وی