اسلام آباد: افغان شہری سے رابطوں کے الزام پر پولیس افسر نوکری سے جبری برخاست
اسلام آباد پولیس کے سب انسپکٹر مہر گل لودھی کو افغان شہری ولی جان سے روابط اور پولیس افسر کی نشان دہی کرنے کے الزام پر سروس سے جبری طور پر برخاست کر دیا گیا۔
ڈان نیوز کے مطابق افغان شہری سے رابطوں کے الزام پر سابق ایس ایچ او مندرہ کو جبری طور پر برخاست کیا گیا۔
ذرائع نے بتایا کہ مہر گل لودھی کی برخاستگی کے احکامات ایس پی صدر کی سفارش پر جاری کیے گئے، جب کہ پولیس لائنز میں ان کے داخلے پر بھی پابندی عائد کر دی گئی۔
اس حوالے سے ایس پی صدر کی جانب سے پولیس لائنز انتظامیہ کو باضابطہ مراسلہ بھی بھیج دیا گیا۔
خیال رہے کہ مہر گل لودھی کو پہلے افغان شہری ولی جان سے تعلقات کے الزام میں معطل کرکے انکوائری شروع کی گئی تھی۔
دورانِ تحقیقات ان کی ایک آڈیو ریکارڈنگ منظر عام پر آئیں جس میں وہ افغان شہری کو ملک بدر کیے جانے سے قبل گرفتار کرنے والے پولیس افسر کی نشان دہی کرتے سنائی دیتے ہیں۔
انکوائری رپورٹ کی روشنی میں ان کی ملازمت سے برخاستگی عمل میں لائی گئی۔
لائیو ٹی وی