چین کے وزیرخارجہ تین روزہ دورے پر پاکستان پہنچ گئے
چین کے وزیرخارجہ پاکستان کے تین روزہ دورے پر اسلام آباد پہنچ گئے، چینی وزیرخارجہ چھٹے پاک-چین وزرائے خارجہ اسٹریٹجک ڈائیلاگ میں اپنے ملک کی نمائندگی کریں گے۔
ڈان نیوز کے مطابق چین کے وزیرخارجہ وانگ ژی پاکستان کے تین روزہ دورے پر اسلام آباد پہنچ گئے، نائب وزیراعظم اور وزیر خارجہ محمد اسحٰق ڈار نے نور خان ایئربیس پر ان کا استقبال کیا۔
پاکستان کے روایتی لباس میں ملبوس بچوں کے گروپ نے چینی وزیر خارجہ کا خیر مقدم کیا اور پھول پیش کیے، اس موقع پر وزارت خارجہ اور پاکستان میں چینی سفارت کے اعلیٰ حکام بھی موجود تھے۔
چینی وزیر خارجہ وانگ ژی نائب وزیراعظم و وزیر خارجہ اسحاق ڈار کی دعوت پر پاکستان آئے ہیں۔
چینی وزیرخارجہ کے دورے کے دوران چھٹا پاک - چین وزرائے خارجہ اسٹریٹجک ڈائیلاگ اسلام آباد میں ہوگا جس میں وانگ ژی اپنے ملک کی نمائندگی کریں گے۔
پاک - چین اسٹریٹجک ڈائیلاگ کی مشترکہ صدارت وزیر خارجہ اسحٰق ڈار اور چینی ہم منصب مشترکہ طور پر کریں گے۔
لائیو ٹی وی