وفاقی پبلک سروس کمیشن کا اہم فیصلہ، جنرل ریکروٹمنٹ کیلئے تحریری ٹیسٹ ختم
وفاقی پبلک سروس کمیشن (ایف پی ایس سی) نے جنرل ریکروٹمنٹ کے لیے تحریری ٹیسٹ ختم کرنے کا اہم فیصلہ کر لیا اور اب صرف ایم سی کیوز پر مبنی امتحان ہو گا۔
ڈان نیوز کے مطابق فیڈرل پبلک سروس کمیشن نے پبلک نوٹس جاری کر دیا، جس کے مطابق نیا نظام رواں برس 21 ستمبر 2025 سے نافذ ہو گا۔
پبلک نوٹس میں مزید کہا گیا ہے کہ تحریری امتحانات ختم کر کے ایم سی کیوز پر مبنی امتحان متعارف کروا دیا گیا، نیا نظام گریڈ 16 سے 21 تک کے تمام عہدوں پر جنرل ریکروٹمنٹ کے تحت لاگو ہو گا۔
ایف پی ایس سی کے مطابق گریڈ بی ایس 16 اور 17 کے امیدواروں کے لیے 100 نمبرز کا ایک ایم سی کیو پیپر ہو گا، بی ایس 18 و بالا گریڈز کے لیے 2 ایم سی کیوز پیپرز ہوں گے۔
پبلک نوٹس میں کہا گیا ہے کہ کامیابی کے لیے امیدواروں کا کم از کم 40 سے 50 فیصد نمبر لینا لازمی ہو گا، ہر غلط جواب پر امیدوار کی 0.25 نمبر کی کٹوتی ہو گی، نیا نظام مسابقتی امتحان سینٹرل سپیریئر سروسز (سی ایس ایس) پر لاگو نہیں ہو گا۔
لائیو ٹی وی