فرح اقرار کی بچوں کی خواہش سے متعلق پہلی بار لب کشائی
سابق نیوز کاسٹر اور سوشل میڈیا انفلوئنسر فرح اقرار نے بچے نہ ہونے اور بچوں کو گود لینے سے متعلق پہلی بار لب کشائی کردی۔
فرح اقرار معروف ٹی وی میزبان اقرار الحسن کی اہلیہ ہیں، ان کی شادی کی تقریبا ڈیڑھ دہائی ہونے والی ہے، تاہم انہیں کوئی اولاد نہیں۔
فرح اقرار کے شوہر اقرار الحسن کو پہلی اہلیہ قرت العین سے ایک بیٹا پہلاج ہے جب کہ انہیں تیسری بیوی عروسہ خان سے بھی تاحال کوئی اولاد نہیں۔
شادی کو کافی عرصہ گزر جانے کے بعد بھی بچے نہ ہونے پر مداح فرح اقرار سے سوالات کرتے دکھائی دیتے ہیں اور حال ہی میں بھی ایک خاتون مداح نے ان سے بچوں سے متعلق سوال کیا۔
فرح اقرار نے مداحوں کی جانب سے پوچھے گئے سوالات کے جوابات دینے کی ویڈیو یوٹیوب پر شیئر کی، جہاں انہوں نے مختلف جوابات دیے۔
ایک خاتون مداح نے انہیں مشورہ دیا کہ وہ کسی بچے کو گود لے لیں، ان کی زندگی کا مقصد پورا ہوجائے گا۔
خاتون مداح کے سوال پر فرح اقرار نے محبت بھرا جواب دیا اور کہا کہ زندگی کا مقصد صرف بچے نہیں ہوتے، زندگی کے اور بھی بہت سارے مقاصد ہو سکتے ہیں۔
سابق نیوز کاسٹر کا کہنا تھا کہ اگر کوئی سوچے تو زندگی بہت خوبصورت چیز ہے اور اس کے بہت اچھے اچھے مقاصد بھی ہوسکتے ہیں۔
فرح اقرار نے مداح کو جواب دیا کہ اگر خدا نے انہیں توفیق عطا کی تو وہ ضرور کسی بچے کو گود لیں گی اور یہ ایک اچھا عمل ہے۔
انہوں نے مزید کہا کہ اگر خدا انہیں اپنا بچہ بھی عطا کریں تو بھی بہت اچھی اور خوبصورت بات ہوگی۔
ان کا کہنا تھا کہ سب خدا کے ہاتھ میں ہے، ان کی ہی عطا کردہ چیزیں ملتی ہیں، جو نصیب میں ہوگا، وہ انہیں ملے گا۔
اسی ویڈیو میں انہوں نے ایک سوال کے جواب میں انکشاف کیا کہ وہ کرائے کے گھر میں رہتی ہیں جب کہ کراچی میں نیوز کاسٹنگ کرتے وقت بھی وہ کرائے کے گھر میں رہتی تھیں۔
فرح اقرار نے بتایا کہ ان کا کراچی میں بہت زیادہ وقت گزرا اور وہ کراچی کو یاد کرتی ہیں لیکن ان کی پہلی محبت لاہور ہے۔
لائیو ٹی وی