یورپی یونین کا سیلاب سے متاثرہ افراد کیلئے 35 کروڑ روپے کی امداد کا اعلان
یورپی یونین نے حالیہ سیلاب سے پیدا ہونے والے بحران کے دوران پاکستان کے لیے ہنگامی امداد کے طور پر تقریبا 35 کروڑ روپے مختص کیے ہیں۔
یورپی یونین نے سماجی رابطے کی ویب سائٹ ایکس پر جاری بیان میں کہا کہ تباہ کن فلیش فلڈز نے سیکڑوں جانیں لے لی ہیں، جبکہ کئی افراد اب بھی لاپتا ہیں۔
جاری بیان میں مزید کہا گیا کہ سیلاب سے متاثرہ علاقوں میں فوری امداد کی ضرورت کے تحت یورپی یونین نے تقریبا 35 کروڑ روپے کی ہنگامی امداد مختص کی ہے۔
ایکس پر جاری بیان میں بتایا گیا کہ یہ امداد قابلِ اعتماد شراکت دار تنظیموں کے ذریعے متاثرہ خاندانوں تک پہنچائی جائے گی۔
امداد میں جان بچانے والی طبی سہولیات، پانی، صفائی اور بیماریوں کے پھیلاؤ کو روکنے کے لیے حفظانِ صحت کی سہولتیں دستیاب ہوں گی۔
یورپی یونین نے بتایا کہ سیلاب سے زیادہ متاثرہ افراد کو ان کی بنیادی ضروریات پوری کرنے کے لیے نقد امداد بھی فراہم کی جائے گی۔
لائیو ٹی وی