آ ۔ فائل تصویر

کراچی: کراچی میں  فائرنگ اور پرتشدد واقعات میں ہلاک ہونے والوں کی تعداد گیارہ ہوگئی  ہے۔

فائرنگ کی زد میں آکر ایک نجی ٹی وی کے رپورٹر اور ایمبولینس ڈرائیور سمیت چھ افراد زخمی ہوگئے جبکہ وہاں کھڑی ایمبولینسز کو بھی نقصان پہنچا تاہم رینجرز نے پہنچ کر حالات پر قابو پالیا۔۔

دوسری جانب منگھوپیر میں نامعلوم افراد کی فائرنگ سے ایک شخص ہلاک ہوا۔ جبکہ اورنگی ٹاون میں نامعلوم موٹرسائیکل سواروں نے دکان پر فائرنگ کرکے ایک شخص اور ان کے دو بیٹوں کو ہلاک کردیا۔

میٹھادر کے علاقے سے ایک شخص کی لاش ملی ہے۔

سائٹ میٹروول میں فائرنگ سے ایک شخص ہلاک ہوگیا۔

گزشتہ روز ٹارگٹ کلنگ کا شکار ہونے والے اسد رضا کی نماز جنازہ مسجد خیرالعمل انچولی میں جبکہ مذہبی جماعت کے عہدیدار عرفان کی نماز جنازہ نارتھ ناظم آباد میں ادا کردی گئی۔