علی حیدر کا نیا صوفی میوزک البم
علی حیدر کے نئے البم کا کور فوٹو
ڈان اردو ڈیسک: پاکستانی گلوکار علی حیدر نے صوفیانہ موسیقی کے راستے گلوکاری کی دنیا میں دوبارہ قدم رکھتے ہوئے اپنا نیا البم ممبئی میں لانچ کردیا ہے۔
تقریبا دس تک موسیقی سے دور رہنے کے بعد علی حیدرنے گزشتہ رات ممبئی میں صوفی میوزک البم "کی جاناں میں کون" کے گانوں پر لائیو پرفارم کرتے ہوئے حاضرین کے دل موہ لیئے۔
طویل عرصے تک موسیقی سے دور رہنے کی وجہ بتاتے ہوئے علی نے کہا کہ انہوں نے اپنے بیٹے کی موت کے بعد موسیقی ترک کر دی تھی لیکن بابا بلھے شاہ کی کرم نوازی سے دوبارہ ذندگی کا آغاز کرتے ہوئے انہوں نے اپنے مداحوں کیلئے یہ البم بنایا ہے۔
علی نے کہا کہ انہیں نہیں پتا کہ وہ اپنی دوسری "اننگز" میں کامیاب ہوں گے یا پھر ناکام لیکن لائیو پرفارمنس میں ملنے والی داد پر وہ بہت خوش ہیں۔
لائیو ٹی وی