• KHI: Maghrib 7:24pm Isha 8:51pm
  • LHR: Maghrib 7:09pm Isha 8:45pm
  • ISB: Maghrib 7:19pm Isha 9:00pm
  • KHI: Maghrib 7:24pm Isha 8:51pm
  • LHR: Maghrib 7:09pm Isha 8:45pm
  • ISB: Maghrib 7:19pm Isha 9:00pm

خلا میں زیادہ عرصے تک رہنے والی دنیا کی پہلی خاتون

شائع April 24, 2017 اپ ڈیٹ April 26, 2017
تصویر بشکریہ ناسا
تصویر بشکریہ ناسا

نیویارک: ویسے تو 57 سالہ امریکی خاتون خلا باز پیگی وائٹ سن کے لیے خلا میں ریکارڈ بنانا کوئی نئی بات نہیں، تاہم اب انہوں نے امریکا کے شہری کی حیثیت سے زیادہ عرصے تک خلا میں رہنے کا اعزاز بھی حاصل کرلیا۔

پیگی وائٹ سن سے پہلے امریکی خلا باز جیفری ولیمز نے خلا میں زیادہ دیر تک رہنے کا ریکارڈ بنایا تھا، انہوں نے خلا میں 534 دن، 2 گھنٹے اور 48 منٹ گزارے۔

تصویر بشکریہ ناسا
تصویر بشکریہ ناسا

تاہم جیفری ولیمز کا ریکارڈ خاتون خلا باز پیگی وائٹ نے 24 اپریل کو توڑ دیا۔

ناسا کے مطابق پیگی وائٹ نے 24 اپریل کو ایک بج کر 27 منٹ پر جیفری ولیمز کا ریکارڈ برابر کیا، اور اس وقت وہ خلا میں سب سے زیادہ وقت تک رہنے والی پہلی امریکی خلا باز ہونے کے ساتھ وہ یہ کارنامہ سر انجام دینے والی دنیا کی پہلی خاتون بھی بن گئیں۔

پیگی وائٹ سن ابھی بھی خلا میں موجود ہیں، اور مزید وقت وہاں رہیں گی، ریکارڈ بنانے کے بعد امریکی صدر ڈونلڈ ٹرمپ نے انہیں مبارک باد دی ، اور ان کے ساتھ ویڈیو کے ذریعے بات بھی کی۔

خیال رہے کہ اس سے پہلے پیگی وائٹ نے 31 مارچ کو خلا میں سب سے زیادہ چہل قدمی کرنے کا ریکارڈ بنایا تھا۔

تصویر بشکریہ ناسا
تصویر بشکریہ ناسا

انہوں نے مجموعی طور 8 مہمات کے دوران 53 گھنٹے سے زائد چہل قدمی کی۔

پیگی وائٹ کے پاس پہلی خاتون خلا باز ہونے کے ناتے خلائی اسٹیشن کی کمانڈ سنبھالنے کا اعزاز بھی ہے، جب کہ رواں ماہ 9 اپریل کو انہوں نے خلا میں دگنی کمانڈ سنبھالنے کا اعزاز بھی حاصل کیا۔

ڈونلڈ ٹرمپ، ایوانکا ٹرمپ اور خلا باز خاتون کیٹ ربنس کے ساتھ پیگی وائٹ سے بات کرتے ہوئے—فوٹو: ناسا
ڈونلڈ ٹرمپ، ایوانکا ٹرمپ اور خلا باز خاتون کیٹ ربنس کے ساتھ پیگی وائٹ سے بات کرتے ہوئے—فوٹو: ناسا

وہ خلا میں کم سے کم 650 دن رہنا چاہتی ہیں، امکان ہے کہ وہ رواں برس ستمبر تک واپس آجائیں گی۔

پیگی وائٹ سن نے امریکی خلائی ادارے ناسا کے ساتھ 1980 سے کام کرنا شروع کیا، انہوں نے بائیو کیمسٹری میں ڈاکٹریٹ کی ڈگری لے رکھی ہے۔

انہوں نے پہلا خلائی دورہ 2002 میں کیا، وہ ناسا کے متعدد منصوبوں میں اہم ذمہ داریاں سر انجام دے چکی ہیں۔

پیگی وائٹ سن اپنے ساتھی کے ساتھ ڈونلڈ ٹرمپ سے بات کرتے ہوئے—فوٹو: ناسا
پیگی وائٹ سن اپنے ساتھی کے ساتھ ڈونلڈ ٹرمپ سے بات کرتے ہوئے—فوٹو: ناسا

کارٹون

کارٹون : 14 جولائی 2024
کارٹون : 11 جولائی 2024