لیوک رونچی نے پی ایس ایل کی تیز ترین نصف سنچری بنا دی

اپ ڈیٹ 19 مارچ 2018
لیوک رونچی نے صرف 19 گیندوں پر ففٹی اسکور کر کے نیا ریکارڈ بنایا۔
لیوک رونچی نے صرف 19 گیندوں پر ففٹی اسکور کر کے نیا ریکارڈ بنایا۔

اسلام آباد یونائیٹڈ کے اوپنر لیوک رونچی نے پاکستان سپر لیگ کے پہلے پلے آف میں کراچی کنگز کے خلاف میچ میں تیز ترین نصف سنچری کا نیا ریکارڈ قائم کردیا۔

دبئی میں کھیلے جا رہے میچ میں کراچی کنگز نے اسلام آباد یونائیٹڈ کو فتح کیلئے 155 رنز کا ہدف دیا لیکن لیوک رونچی نے شاندار بیٹنگ کر کے میچ کو یکطرفہ بنا دیا۔

نیوزی لینڈ سے تعلق رکھنے والے بلے باز نے جارحانہ بیٹنگ کا مظاہرہ کرتے ہوئے صرف 19 گیندوں پر نصف سنچری بنا کر پاکستان سپر لیگ کی تیز ترین ففٹی کا ریکارڈ اپنے نام کر لیا۔

انہوں نے 19 گیندوں پر تین چھکوں اور سات چوکوں کی مدد سے نصف سنچری مکمل کی۔

اس سے قبل تیز ترین نصف سنچری کا اعزاز مشترکہ طور پر عمر اکمل اور لیوک رونچی کے پاس تھا جنہوں نے 22 گیندوں پر 50 مکمل کی تھی۔

تبصرے (0) بند ہیں