نوکیا کی ایکس سیریز کا پہلا اسمارٹ فون نوکیا ایکس سکس چین میں لانچ کردیا گیا۔

ایکس سکس نوکیا کی کمپنی ایچ ایم ڈی کا پہلا اسمارٹ فون ہے، جسے آئی فون ایکس جیسے نوچ اور بیزل لیس ڈسپلے سے متاثر ہوکر تیار کیا گیا۔

اس فون کی باڈی 95 فیصد گلاس سے بنی ہوئی ہے۔

یہ اسمارٹ فون اس وقت صرف چین میں متعارف کروایا گیا ہے، تاہم بین الاقوامی سطح پر اب تک اس کی لانچ کا فیصلہ نہیں کیا گیا۔

مزید پڑھیں: آئی فون ایکس جیسے ڈیزائن والا نیا نوکیا اسمارٹ فون

یہ فون 2 ورژن میں دستیاب ہے جس میں سے ایک میڈیا ٹیک ہیلیو پی 60 جبکہ اپ گریڈ ورژن کوالکوم سنیپ ڈراگون 636 پراسیسر سے لیس موجود ہے۔

دونوں ورژن میں 3300 ایم اے ایچ بیٹری موجود ہے تاہم 4 سے 6 جی بی ریم اور 64 سے 128 جی بی اسٹوریج کے آپشن دیے گئے ہیں۔

اس فون کے سادہ ورژن کی قیمت 252 ڈالرز (25 ہزار پاکستانی روپے سے زائد) جبکہ اپ گریڈ ورژن کی قیمت 283 ڈالرز (29 ہزار پاکستانی روپے کے قریب) ہے۔