عمرکوٹ: پسند کی شادی کرنے پر نوبیاہتا جوڑے کا قتل
سندھ کے ضلع عمر کوٹ میں نوبیاہتا جوڑے کو مبینہ طور پر خاتون کے بھائی نے پسند کی شادی کرنے پر فائرنگ کرکے قتل کردیا۔
پِٹھورو پولیس اسٹیشن نے ملزم عدیل کے خلاف مبینہ طور پر اپنی بہن اور اس کے شوہر کو پسند کی شادی کرنے پر قتل کا مقدمہ درج کیا۔
ایس ایچ او پٹھورو پولیس اسٹیشن محمد حسن رحیمو کے مطابق 25 سالہ سونیا 35 سالہ رشید علی راجپوت سے شادی کرنے کے لیے گجرانوالہ سے بھاگ کر پٹھورو آئی تھی۔
یہ بھی پڑھیں: کراچی: جرگے کے فیصلے پر پسند کی شادی کرنے والا جوڑا قتل
رشید کے بھائی کے مطابق سونیا کا بھائی عدیل گھر میں گھس آیا اور نوبیاہتا جوڑے پر فائرنگ کردی۔
فائرنگ کے دوران مزاحمت پر رشید کی بہن رضیہ بھی زخمی ہوئی۔
واقعے کے بعد تینوں افراد کو ضلعی ہسپتال منتقل کیا گیا جہاں جوڑے کو مردہ قرار دیا گیا۔
مزید پڑھیں: کراچی: عزت کے نام پر جوڑے کو قتل کردیا گیا
مقدمے میں عدیل کو مرکزی ملزم کے طور پر نامزد کیا گیا ہے، جبکہ دیگر پانچ افراد اختیار، اقبال، کبریٰ، علی رضا اور محمد اصغر کو عدیل کے ساتھیوں کے طور پر نامزد کیا گیا۔
ملزمان میں سے کسی کی گرفتاری تاحال عمل میں نہیں آئی۔
لائیو ٹی وی