اب کمپیوٹر سے ایس ایم ایس کرنا ممکن

19 جون 2018

ای میل

— فوٹو بشکریہ گوگل
— فوٹو بشکریہ گوگل

اگر تو اب بھی آپ واٹس ایپ یا دیگر میسجنگ اپلیکشن کی جگہ ایس ایم ایس کو ترجیح دیتے ہیں جو اچھی خبر یہ ہے کہ اب آپ یہ کام اپنے کمپیوٹر کے ذریعے بھی کرسکیں گے اور وہ بھی مفت۔

جی ہاں گوگل نے آخرکار ٹیکسٹ سروس کے لیے اینڈرائیڈ میسجز کی ڈیسک ٹاپ سپورٹ متعارف کرادی ہے۔

اس اپ ڈیٹ کی بدولت اینڈرائیڈ اسمارٹ فون استعمال کرنے والے اپنے لیپ ٹاپ یا ڈیسک ٹاپ کمپیوٹر پر پیغامات بھیج اور موصول کرنے کے ساتھ ساتھ، تصاویر اور اسٹیکر وغیرہ بھی ارسال کرسکیں گے۔

مزید پڑھیں : گوگل واٹس ایپ کے مقابلے پر بڑا ہتھیار لے آیا

اس مقصد کے لیے صارف کو اپنے فون میں اینڈرائیڈ میسجز ایپ کو انسٹال کرنا ہوگا، یا اسے اپ ڈیٹ کرنا ہوگا۔

اس کے بعد اینڈرائیڈ میسجز کی ڈیسک ٹاپ ویب سائٹ پر جاکر کیو آر کوڈ اسکین کرنا ہوگا، جس کا طریقہ کار وہاں درج بھی ہے۔

گوگل کے مطابق یہ سروس تمام بڑے براﺅزر میں دستیاب ہوگی، فی الحال یہ سپورٹ کروم، فائرفوکس، سفاری اور ایج میں دستیاب ہے۔

ڈیسک ٹاپ سے مفت ایس ایم ایس کرنے کے لیے ایک چیز کا خیال رکھنا ہوگا کہ موبائل فون انٹرنیٹ سے کنکٹ ہو، اب چاہے وہ موبائل ڈیٹا ہو یا وائی فائی۔

یہ بھی پڑھیں : غلطی سے بھیجے جانے والے ایس ایم ایس کی واپسی ممکن

گوگل کے مطابق وائی فائی کے ذریعے اس سروس کو استعمال کرنا موبائل ڈیٹا بچانے میں مدد دے گا۔

گوگل کی جانب سے رواں سال فروری میں اس سروس کو متعارف کرانے کا اعلان کیا گیا تھا۔

اینڈرائیڈ میسجز ویب سپورٹ صارفین کو آج سے فراہم کردی گئی ہے اور اکثر افراد اسے رواں ہفتے کے اختتام تک استعمال کرسکیں گے۔