ورلڈ کپ میں برازیل، نائجیریا اور سوئٹزرلینڈ کی فتح
فٹبال ورلڈکپ میں برازیل نے سنسنی خیز مقابلے کے بعد انجری ٹائم میں گول کر کے کوسٹاریکا کو 2-0 سے شکست دیتے ہوئے ایونٹ میں پہلی کامیابی حاصل کر لی۔
روس کے شہر سینٹ پیٹرز برگ میں کھیلے گئے گروپ ای کے میچ میں برازیل کا مقابلہ کوسٹاریکا سے ہوا جس میں مجموعی طور پر برازیل کی ٹیم چھائی رہی۔
Penalty or not? #BRACRC #WorldCup https://t.co/ZiWTXBmu9d
— World Cup Goals (@FIFAWCGoals) June 22, 2018
پہلے ہاف میں برازیل کو گول کرنے کے متعدد مواقع ملے لیکن کوسٹاریکا کے گول کیپر کے عمدہ کھیل اور موثر فنشنگ نہ ہونے کے سبب وہ برتری حاصل کرنے میں ناکام رہے۔
دوسرے ہاف میں بھی برازیل کو کچھ ایسی ہی صورتحال کا سامنا رہا اور کوسٹاریکا نے انہیں 90منٹ تک گول کرنے سے باز رکھا۔
Lovely cushioned header by Bobby Firmino into Coutinho's path. Did more in his brief cameo than Gabriel Jesus did in the rest of the match. Firmino should be starting for Brazil alongside Neymar#YNWA #LFC #BRACRC pic.twitter.com/C7lS8GBCmY
— Roar Of The Kop (@_RoarOfTheKop_) June 22, 2018
میچ بار بار رکنے اور پے درپے فاؤل کے سبب 7 منٹ کا انجری ٹائم دیا گیا اور کوسٹاریکا کی ٹیم کو اس وقت بڑا دھچکا لگا جب میچ کے 91ویں منٹ میں کوٹنہو نے گیند کو گول کی راہ دکھا کر برازیل برتری دلا دی۔
Neymar scores!!! Sounds so much better with Arabic commentary 😂😭#WorldCup #BRA #CRC #BRACRC #BrasilGanhapic.twitter.com/fvnrNF5eG6
— World Cup Goals (@FIFAWCGoals) June 22, 2018
میچ کے اختتام پر برازیل نے کوسٹاریکا کے کمزور ہوتے دفاع کا فائدہ اٹھاتے ہوئے شاندار حملہ کیا جس پر نیمار نے گول کر کے اپنی ٹیم کی برتری کو دگنا کردیا۔
دن کے دوسرے میچ میں نائجیریا کی ٹیم نے آئس لینڈ کو آؤٹ کلاس کرتے ہوئے 2-0 سے شکست دے کر اگلے راؤنڈ میں رسائی کی امیدیں کو پھر سے زندہ کر لیا۔
وولگوگراڈ میں گروپ ڈی کے میچ میں کروشیا کے خلاف پہلے میچ میں شکست سے دوچار ہونے والی نائیجریا کی ٹیم کا مقابلہ آئس لینڈ سے ہوا۔
نائجیریا نے گزشتہ میچ کے بالکل برعکس آئس لینڈ کے خلاف شاندار کھیل پیش کرتے ہوئے آئس لینڈ کے خلاف ابتدا سے ہی جارحانہ انداز اپنایا جبکہ اس میچ میں ان کے دفاع کا کھیل بھی بہت عمدہ رہا۔
پہلے ہاف میں دونوں ہی ٹیمیں کوئی گول اسکور نہ کر سکیں لیکن دوسرے ہاف کے چوتھے منٹ میں موسیٰ نے گول کر کے نائجیریا کو برتری دلائی اور پھر میچ کے 75ویں منٹ میں عمدہ گول کر کے اسے دگنا کردیا۔
آئس لینڈ کی ٹیم کو خسارہ کم کرنے کا نادر موقع اس وقت ملا جب ریفری نے انہیں پینالٹی ایوارڈ کردی لیکن آئس لینڈ کے گلفی سیگوروسون نے گیند کو باہر پھینک دیا۔
اس کے بعد آئس لینڈ کی ٹیم کو مزید کوئی موقع نہ ملا اور میچ 2-0 سے نائجیریا کی فتح کے ساتھ اختتام پذیر ہوا۔
دن کا تیسرا میچ سوئٹزرلینڈ اور سربیا کے درمیان کھیلا گیا جس میں سوئس ٹیم نے خسارے میں جانے کے باوجود عمدہ کھیل پیش کرتے ہوئے کامیابی حاصل کی۔
WHAT A ROCKET BY GRANIT XHAKA 😱🚀#SRBSUI #SUISRB #SRBSWI #WorldCup pic.twitter.com/6pTNXupXbQ
— World Cup Goals (@FIFAWCGoals) June 22, 2018
میچ کے آغاز میں ہی سربیا کے ایکزینڈر میکرووک نے گول کر کے سب کو حیران کردیا اور کوشش کے باوجود سوئس ٹیم پہلے ہاف میں خسارہ کم نہ کر سکی۔
دوسرے ہاف کے ساتویں منٹ میں گرینٹ ژھاکا کے گول کی بدولت سوئٹزرلینڈ نے مقابلہ برابر کردیا جس کے بعد دونوں ٹیموں کے درمیان دوبارہ برتری کے حصول کی جنگ شروع ہوئی۔
GOAL! XHERDAN SHAQIRI IN THE LAST MINUTE! SUPER COMPOSED FINISH!!#WorldCup #SRB #SUI #SRBSUI #SERSUI pic.twitter.com/U1W34P36dK
— World Cup Goals (@FIFAWCGoals) June 22, 2018
ڈرا کی جانب گامزن میچ کے 90منٹ میں سوئٹزرلینڈ کے شکیری نے فیصلہ کن گول اسکور کر کے اپنی ٹیم کو میچ میں فتح سے ہمکنار کرادیا۔
لائیو ٹی وی