غذاؤں میں شامل چکنائی اور چربی سے سالانہ 5 لاکھ ہلاکتیں

23 جون 2018
چکنائی اور چربی موٹاپے اور امراض قلب کا باعث بنتی ہے—فوٹو: ہیلتھی
چکنائی اور چربی موٹاپے اور امراض قلب کا باعث بنتی ہے—فوٹو: ہیلتھی

کھانوں میں استعمال ہونے والے کوکنگ آئل اور گھی میں پائی جانے والی چربی اور چکنائی سے دنیا بھر میں سالانہ 5 لاکھ ہلاکتیں ہوتی ہیں۔

عالمی ادارہ صحت (ڈبلیو ایچ او) کے مطابق کوکنگ آئل اور گھی میں شامل کی جانے والی مختلف سبزیوں، نباتات اور جانوروں سے حاصل کی گئی ٹرانس فیٹ یعنی چکنائی اور چربی انسانی صحت کے لیے مضر ہے، جس سے امراض قلب سمیت کئی بیماریاں پیدا ہوتی ہیں۔

ڈبلیو ایچ او کی ایک رپورٹ کے مطابق گھی اور کوکنگ آئل میں جدید طریقے اور فیکٹریوں کے اندر شامل کی جانے والی چکنائی اور چربی سے انسان مختلف بیماریوں میں مبتلا ہوکر موت کے منہ میں جا رہے ہیں۔

خیال رہے کہ عالمی ادارہ نے کھانوں اورغذاؤں میں استعمال ہونے والے ہر طرح کے کوکنگ آئل اور گھی سے چکنائی اور چربی ختم کرنے کے لیے رواں برس مئی میں ایک عالمی مہم کا آغاز بھی کیا تھا۔

چکنائی اور چربی کوکنگ آئل اور گھی میں پائی جاتی ہے، جسے غذاؤں کو تازہ رکھنے کا سبب قرار دیا جاتا ہے—فوٹو: شٹر اسٹاک
چکنائی اور چربی کوکنگ آئل اور گھی میں پائی جاتی ہے، جسے غذاؤں کو تازہ رکھنے کا سبب قرار دیا جاتا ہے—فوٹو: شٹر اسٹاک

عالمی ادارہ صحت نے گھی اور کوکنگ آئل سے چکنائی اور چربی ختم کرنے کی مہم کا آغاز کرتے ہوئے دنیا کے تمام ممالک کی حکومتوں سے مطالبہ کیا تھا کہ ٹرانس فیٹ کے استعمال کی حوصلہ شکنی کے اقدامات اٹھائے جائیں۔

یہ ویڈیو دیکھیں: 'چاول چپاتی اور چربی کو زندگی سے نکال دیں'

ڈبلیو ایچ او نے اپنی رپورٹ میں تمام ممالک سے مطالبہ کیا تھا کہ گھی اور کوکنگ آئل سے ٹرانس فٹ کو آئندہ 5 سال تک بلکل ختم کیا جائے گا۔

ادارے نے دنیا کے تمام ممالک کو 2023 تک چربی اور چکنائی کو گھی اور کوکنگ آئل سے ختم کرنے کا مطالبہ کرتے ہوئے کہا تھا کہ اس سے بے شمار قیمتی انسانی جانیں ضائع ہو رہی ہیں۔

عالمی ادارہ صحت کی جانب سے مہم کے آغاز کے بعد فوری طور پر امریکا اور برطانیہ کے کئی ممالک نے گھی اور کوکنگ آئل سے چکنائی اور چربی ختم کرنے کے اقدامات کا آغاز کردیا تھا۔

ٹرانس فیٹ کو سبزیوں، نباتات اور جانوروں سے حاصل کیا جاتا ہے—فوٹو: شٹر اسٹاک
ٹرانس فیٹ کو سبزیوں، نباتات اور جانوروں سے حاصل کیا جاتا ہے—فوٹو: شٹر اسٹاک

تاہم پاکستان سمیت کئی ممالک نے فوری طور پر اس حوالے سے تاحال ٹھوس اقدامات نہیں اٹھائے۔

مزید پڑھیں: کم کولیسٹرول کا گھی دریافت

خیال رہے کہ ٹرانس فیٹ کیمیکل سمیت جدید طریقوں سے سبزیوں، نباتات اور جانوروں سے نکالا گیا تیل ہوتا ہے، جسے چربی اور چکنائی بھی کہا جاتا ہے۔

ٹرانس فیٹ کو عام طور پر ڈبہ پیک کھانوں کو کافی وقت تک تازہ رکھنے کی غرض سے گھی اور کوکنگ آئل میں شامل کیا جاتا ہے۔

تاہم ماہرین کے مطابق چکنائی اور چربی سے امراض قلب، موٹاپے اور بلڈ پریشر سمیت کئی بیماریاں پیدا ہوتی ہیں، جو انسان کی موت کا سبب بنتی ہیں۔

کوکنگ آئل اور گھی میں شامل ہونے کی وجہ سے چکنائی ہر طرح کے کھانوں اور ٖغذاؤں میں نظر آتی ہے—فوٹو: فوڈ پالیسی
کوکنگ آئل اور گھی میں شامل ہونے کی وجہ سے چکنائی ہر طرح کے کھانوں اور ٖغذاؤں میں نظر آتی ہے—فوٹو: فوڈ پالیسی

ضرور پڑھیں

تبصرے (0) بند ہیں