رزلٹ ٹرانسمیشن سسٹم توقعات کے مطابق کام نہ کرسکا، الیکشن کمیشن کا اعتراف
اپ ڈیٹ 23 مئ 2019
الیکشن کمیشن آف پاکستان کے سیکریٹری بابر یعقوب نے یقین دہانی کرائی ہے کہ تمام پولنگ اسٹیشنز پر موجود پولنگ ایجنٹس کو فارم45 کی کاپیاں فراہم کی گئیں۔
انہوں نے اسلام آباد میں میڈیا کے نمائندوں سے گفتگو کرتے ہوئے کہا کہ اگر کسی کو فارم45 کے حوالے سے کسی قسم کی شکایات ہیں تو ہم اس کی تحقیقات کریں گے۔
الیکشن کمیشن کے سیکریٹری نے تسلیم کیا کہ رزلٹ ٹرانسمیشن سسٹم توقعات کے مطابق درست طریقے سے کام نہیں کر سکا اور اس کی بہتری کے لیے اقدامات کیے جائیں گے۔
بابر یعقوب نے مزید کہا کہ الیکشن کمیشن کی جانب سے چلائے جانے والی 8300 معلوماتی سروس کی سست روی کی بھی شکایات موصول ہوئیں اور اسے بھی مستقبل میں بہتر بنانے کے لیے کام کریں گے۔
تبصرے (0) بند ہیں