شاہد اور میرا کے گھر بیٹے کی پیدائش

اپ ڈیٹ 06 ستمبر 2018

ای میل

ان دونوں کی شادی 2015 میں ہوئی تھی —فوٹو/ اسکرین شاٹ
ان دونوں کی شادی 2015 میں ہوئی تھی —فوٹو/ اسکرین شاٹ

بولی وڈ نامور اداکار شاہد کپور اور ان کی اہلیہ میرا کپور کے ہاں دوسرے بچے کی پیدائش ہوئی ہے۔

گزشتہ روز شاہد کی اہلیہ میرا کو ممبئی کے ہسپتال میں داخل کیا گیا تھا، اس موقع پر ان کے خاندان کے افراد بھی وہاں موجود تھے۔

رپورٹس کے مطابق شاہد کے ہاں گزشتہ رات 5 ستمبر کو بیٹے کی ولادت ہوئی۔

مزید پڑھیں: ’لڑکا ہے یا لڑکی؟‘ سوال پر میرا برہم

رپورٹ میں مزید بتایا گیا کہ ماں اور بیٹا صحت مند ہیں اور انہیں ایک یا دو روز میں گھر جانے کی اجازت مل جائے گی۔

بعدازاں سوشل میڈیا پر بولی وڈ سے تعلق رکھنے والی کئی نامور شخصیات نے شاہد کپور کو اس خوشی کی مبارکباد بھی دی۔

یاد رہے کہ شاہد کپور اور میرا راجپوت نے اپنے والدین کی مرضی سے 2015 میں شادی کی تھی، جس کے بعد اگست 2016 کو ان کے ہاں پہلی بیٹی کی پیدائش ہوئی، جس کا نام ان دونوں نے میشا کپور رکھا۔

'میشا' کا نام میرا راجپوت کے نام کے پہلے حصے 'می' اور شاہد کپور کے نام کے پہلے حصے 'شا' کا امتزاج ہے۔

یہ بھی پڑھیں: شاہد اور میرا دوسری بار والدین بننے کو تیار

شاہد اور میرا نے دوسری مرتبہ والدین بننے کا اعلان سوشل میڈیا پر میشا کی تصویر شیئر کرنے کے ساتھ کیا تھا۔

View this post on Instagram

❤️

A post shared by Shahid Kapoor (@shahidkapoor) on

اس تصویر میں میشا ایک ایسی جگہ لیٹ کر مسکرا رہی ہے جہاں بہت سے غباروں کی تصویر بنی ہوئی تھی، جبکہ ان غباروں کے ساتھ میشا کو ’بڑی بہن‘ کا نام بھی دیا گیا۔

اب دیکھنا یہ ہے کہ یہ دونوں اپنے بیٹے کا نام کیا رکھیں گے۔