پاکستانی آل راؤنڈر شعیب ملک کی بیوی اور مایہ ناز ٹینس اسٹار ثانیہ مرزا رہتی تو بھارت میں ہیں لیکن ان کے قومی ٹیم کے تمام کھلاڑیوں سے دوستانہ مراسم ہیں جس کی جھلک اکثر ٹوئٹر پر نظر آتی ہے۔

سابق ٹیسٹ کرکٹر اور قومی ٹیم کے باؤلنگ کوچ اظہر محمود، ان کی اہلیہ اور ثانیہ مرزا کے درمیان اسی طرح کی ایک دلچسپ نوک جھونک نے ٹوئٹر شائقین کو خوب محظوظ کیا۔

یہ بھی پڑھیں: بیوی کی فرمائش پر شعیب ملک نے خود کو بدل دیا

ہوا کچھ یوں کہ گزشتہ دنوں شعیب ملک نے انسٹاگرام پر ایک ویڈیو شیئر کی اور بیگم کے لیے اپنا حلیہ بدل لیا اور یہ ویڈیو بھی سوشل میڈیا پر کافی مقبول ہوئی۔

تاہم شعیب ملک کے اس اقدام نے اظہر محمود کے لیے مشکلات کھڑی کر دیں اور ان کی بیگم ایبا قریشی نے شعیب ملک کو سراہتے ہوئے لکھا کہ بیگم کو خوش کرنا تو کوئی تم سے سیکھے۔

اظہر نے شعیب کو کہا کہ تو نے ہمیں مروا دیا اور پھر شعیب کی طرح اپنی ایک ویڈیو شیئر کرتے ہوئے کہا کہ جب سب کر رہے ہیں تو ہم بھی بیگم کو خوش کر دیتے ہیں۔

اس پر ثانیہ مرزا نے ٹوئٹ کرتے ہوئے اظہر محمود سے کہا کہ اظہر بھائی اگر میں آپ ہوتی اور ایبا میری بیوی ہوتی تو مجھ میں یہ کرنے کی ہمت نہ ہوتی۔ اس کے لیے مکمل مارکس ملنے چاہئیں لیکن یاد رکھیں گھر بھی تو جانا ہے۔ کیونکہ میں اور ایبا آخرکار کسی وجہ سے ہی دوست ہیں۔

اظہر نے بھی ترکی بہ ترکی جواب دیتے ہوئے کہا کہ تمہارا میاں ہم سب کو پھنسوا رہا تھا۔ میں نے یہ سب کرنے کی ہمت اس لیے کی کیونکہ میں ساڑھے تین ماہ سے گھر نہیں گیا۔ ایبا کے اطراف میں تین بچے موجود ہیں اس لیے امید ہے کہ وہ یہ سب بھول جائے گی۔ آپ تو جانتی ہیں کہ میں کتنا بہادر ہوں۔

یہ بھی پڑھیں: ویرات کوہلی کے نہ کھیلنے سے بھارتی ٹیم کو فرق پڑسکتا ہے، سرفراز احمد

یاد رہے کہ اظہر محمود ایشیا کپ کے لیے متحدہ عرب امارات میں موجود قومی ٹیم کے ہمراہ موجود تھے لیکن اپنے 4سالہ بھتیجے کے انتقال کے سبب وطن واپس لوٹ رہے ہیں جہاں وہ ان کی تدفین میں شرکت کریں گے۔

ضرور پڑھیں

تبصرے (0) بند ہیں