اس وقت دنیا کی 50 فیصد سے زائد آبادی انٹرنیٹ کا استعمال کررہی ہے اور اس کا مطلب ہے کہ وہ ای میل، سوشل میڈیا اکاﺅنٹس یا دیگر کے لیے پاس ورڈ بھی استعمال کرتے ہوں گے اور یہ کہنے کی ضرورت نہیں کہ کمزور پاس ورڈ بھیانک خواب بھی ثابت ہوسکتا ہے۔

کیا آپ کے خیال میں آپ کا پاس ورڈ ہیکرز کی گرفت میں آنے سے بچ سکتا ہے یا نہیں؟

تو پہلے یہ جان لیں کہ کوئی ہیکر کسی انٹرنیٹ صارف کے پاس ورڈ کا اندازہ لگانے کے لیے سب سے پہلے کن الفاظ کو آزمانا پسند کرتا ہے۔

مزید پڑھیں : 2017 کے 25 مقبول ترین پاس ورڈ میں آپ کا کونسا ہے؟

ہر سال کی طرح اسپلیش ڈیٹا نامی پاس ورڈ منیجمنٹ کمپنی نے 2018 میں لیک ہونے والے 50 لاکھ سے پاس ورڈز کے ڈیٹا کی بنیاد پر25 بدترین پاس ورڈز کی فہرست مرتب کی ہے اور اس میں پہلا نمبر ہمیشہ کی طرح 123456 کے نام رہا ہے۔

اگر یہ آپ کا پسندیدہ پاس ورڈ ہے تو معذرت کے ساتھ کہنا پڑے گا کہ یہ 2011 سے مسلسل ہر سال بدترین پاس ورڈ کا 'اعزاز' اپنے نام کررہا ہے۔

اسی طرح دوسرے نمبر پر بھی برسوں سے قابض password نے اپنی جگہ کو برقرار رکھا ہے۔

گزشتہ سال جو پاس ورڈ 123456789اس فہرست میں چھٹے نمبر پر تھا وہ چھلانگ لگا کر تیسرے نمبر پر چلا گیا ہے جبکہ ایک درجے تنزلی سے 12345678 چوتھے پر کھڑا ہے۔

اس بار کچھ نئے الفاظ بھی اس فہرست کا حصہ بنیں جن میں ڈونلڈ نمایاں ہے جو کہ امریکی صدر کا اثر لگتا ہے۔

اسی طرح پرنسسز، سن شائن اور !@#$%^&*بھی پہلی بار فہرست کا حصہ بنے ہیں۔

کمپنی کے مطابق مضبوط پاس ورڈ کم از کم 12 حروف پر مشتمل ہونا چاہیے جس میں کی بورڈ کی تمام لیٹرز سے حروف لیے جانے چاہیے اور ہر اکا?نٹ کے لیے الگ پاس ورڈ ہونا چاہیے۔

یہ بھی پڑھیں : یہ پاس ورڈ استعمال کرتے ہیں تو فوری بدل دیں

کمپنی کے مطابق 2018 میں سب سے زیادہ استعمال ہونے والے پاس ورڈز کی فہرست دیکھیں تو ہمارے لیے افسوس سے اپنے سروں کو ہلنے سے روکنا مشکل ہوجائے گا۔

ماہرین نے لوگوں کو مشورہ دیا ہے کہ وہ ہر اکاﺅنٹ کے لیے مختلف اور مشکل پاس ورڈ کا انتخاب کریں۔

اس مرتبہ کی فہرست میں آسانی سے ہیکرز کی گرفت میں آجانے والے پاس ورڈز رکھنے والے افراد کے بارے میں یہ بھی معلوم ہوتا ہے کہ وہ کچھ بھی سوچے سمجھے بغیر پاس ورڈز کا انتخاب کرتے ہیں جس کی مثال آپ نیچے دیکھ ہی لیں گے۔

مکمل فہرست یہ رہی۔

123456

password

123456789

12345678

12345

111111

1234567

sunshine

qwerty

iloveyou

princess

admin

welcome

666666

abc123

football

123123

monkey

654321

!@#$%^&*

charlie

aa123456

donald

password1

qwerty123

تبصرے (0) بند ہیں