• KHI: Maghrib 7:21pm Isha 8:47pm
  • LHR: Maghrib 7:05pm Isha 8:39pm
  • ISB: Maghrib 7:15pm Isha 8:52pm
  • KHI: Maghrib 7:21pm Isha 8:47pm
  • LHR: Maghrib 7:05pm Isha 8:39pm
  • ISB: Maghrib 7:15pm Isha 8:52pm

'دی ڈونکی کنگ' اسپین کے بعد روس میں ریلیز کے لیے تیار

شائع December 4, 2019
دی ڈونکی کنگ گزشتہ سال ریلیز ہوئی تھی — فوٹو: فیس بک
دی ڈونکی کنگ گزشتہ سال ریلیز ہوئی تھی — فوٹو: فیس بک

جنوبی کوریا اور اسپین میں پذیرائی حاصل کرنے کے بعد پاکستان کی اینیمیٹڈ فلم 'دی ڈونکی کنگ' روس میں بھی دھوم مچانے کے لیے تیار ہے۔

سیاست پر مبنی عزیز جندانی کی اس مزاحیہ فلم کو پاکستان بھر میں بے حد پسند کیا گیا تھا اور اب روس میں اس فلم کو متعدد اسکرینز پر ریلیز کیا جائے گا۔

اسپین میں یہ فلم تین مختلف زبانوں میں نمائش کے لیے پیش کی گئی تھی۔

واضح رہے کہ دی ڈونکی کنگ پہلی پاکستانی فلم تھی جو اسپین میں ریلیز کی گئی۔

مزید پڑھیں: چالاک لومڑی اور معصوم گدھے کی کہانی ’دی ڈونکی کنگ‘

اس حوالے سے عزیز جندانی کا کہنا تھا کہ 'ہم بےحد خوش ہیں کہ دی ڈونکی کنگ کو دنیا بھر میں پسند کیا جارہا ہے، یہ اس بات کا ثبوت ہے کہ اچھی کہانی اور اداکاری کے ساتھ فلم کو توجہ مل ہی جاتی ہے لیکن ہم یہاں رکیں گے نہیں، اسپین سے آگے جہاں اور بھی ہیں'۔

خیال رہے کہ ‘ڈونکی کنگ’ کی کہانی ‘آزاد نگر’ نامی جانوروں کی ایک سلطنت پر مبنی ہے، جس کے بادشاہ یعنی شیر ریٹائر ہوکر اپنی سلطنت کسی نئے بادشاہ کے حوالے کرنے کا فیصلہ کرتے ہیں۔

فلم کی کہانی اس وقت دلچسپ بن جاتی ہے، جب ایک گدھے کو سلطنت کے راجا کے طور پر نامزد کیا جاتا ہے۔

گدھے کو ایک چالاک لومڑی اس عہدے کے لیے تجویز کرتی ہیں، تاہم گدھا سلطنت کا نیا راجا بننے کو تیار نہیں ہوتا۔

چالاک لومڑی کی جانب سے سمجھائے جانے کے بعد ہی گدھا راجا بننے کو تیار ہوجاتا ہے لیکن کہانی اس کے انتخاب کے گرد ہی گھومتی ہے اور اس دوران کئی دلچسپ واقعات سامنے آتے ہیں۔

فوٹو: یوٹیوب اسکرین شاٹ
فوٹو: یوٹیوب اسکرین شاٹ

تالسمان اسٹوڈیو کے بینر تلے ریلیز ہونے والی‘ڈونکی کنگ’ گزشتہ سال پاکستان بھر میں ریلیز ہوئی تھی۔

یہ بھی پڑھیں: سلطنت کے نئے راجا کے انتخاب کی سیاست اور ‘ڈونکی کنگ’

اس فلم میں جانوروں کے کرداروں پر کئی نامور اداکاروں نے اپنی آواز کا جادو جگایا ہے۔

گدھے کی آواز پر جان ریمبو (افضل خان) چالاک لومڑی پر حنا دلپزیر نے آواز کا جادو جگایا ہے، جب کہ دیگر کرداروں کی آوازوں پر جاوید شیخ، فیصل قریشی اور غلام محی الدین سمیت دیگر اداکاروں نے صداکاری کی ہے۔

کارٹون

کارٹون : 23 جولائی 2024
کارٹون : 22 جولائی 2024