فیکٹ چیک: اسلام آباد میں شراب کی دکانیں کھولنے کا نوٹی فکیشن جعلی قرار
اسلام آباد کے ڈپٹی کمشنر حمزہ شفقت نے کہا ہے کہ سوشل میڈیا پر گزشتہ روز سے گردش کرنے والا نوٹی فکیشن جعلی ہے جس میں شراب کی دکانیں کھولنے کا تذکرہ موجود ہے۔
واضح رہے کہ سوشل میڈیا پر جعلی نوٹی فکیشن گردش کررہا تھا جس میں اسلام آباد کے تین ہوٹلوں میریٹ، سرینا اور بیسٹ ویسٹرن میں شراب کی دکانیں فوری طور پر دوبارہ کھولنے کی ہدایت تھی۔
جعلی نوٹی فکیشن میں محکمہ ایکسائز اینڈ ٹیکسیشن کا تذکرہ بھی موجود ہے جس میں عملے کے تحفظ کے حوالے سے ضروری انتظامات سماجی فاصلہ قائم کرنے کی ہدایت کی تھی۔
اسلام آباد ڈی سی سے رابطہ کرنے پر انہوں نے بتایا کہ یہ نوٹی فکیشن ’جعلی‘ ہے۔
لائیو ٹی وی