یوٹیوب کی اس دلچسپ ٹِرک کے بارے میں جانتے ہیں؟
یوٹیوب دنیا کی مقبول ترین ویڈیو شیئرنگ سائٹ ہے جس کو موبائل ڈیوائسز میں اپلیکشن میں بھی استعمال کیا جاتا ہے۔
گوگل کی زیرملکیت اس پلیٹ فارم میں ویڈیوز دیکھتے ہوئے اکثر اشتہارات چلنا شروع ہوجاتے ہیں، جن کو کچھ سیکنڈ تک دیکھنا لازمی ہوتا ہے یا اگر ان سے نجات چاہتے ہیں تو یوٹیوب پریمیئم یا کسی ایڈ بلاکر کی ضرورت ہوتی ہے۔
مگر یوٹیوب میں ہی ایک ایسی دلچسپ ٹرک چھپی ہے جو یوٹیوب ویٖڈیو میں اشتہارات کو روک دیتی ہے۔
سوشل میڈیا سائٹ ریڈیٹ کے ایک صارف نے اس ٹرک کو دریافت کرکے شیئر کیا۔
اس ٹرک کو استمال کرکے اگر اشتہارات کو روکنا چاہتے ہیں تو ویڈیو کے یو آر ایل میں ایک اضافی ڈاٹ کا استعمال کرنا ہووگا۔
یعنی youtube.com/video پر نیوی گیشن کی بجائے youtube.com./video کے ذریعے اپنی پسندیدہ ویڈیو اشتہارات کے بغیر دیکھنا ممکن ہے۔
یہ ٹرک موبائل فون میں ویب براؤزر پر بھی کام کرتی ہے اور یہ ری ڈائریکشن سرور سائیڈ سے ہوتی ہے۔
ریڈیٹ صارف نے یہ وضاحت بھی کی کہ یہ طریقہ کار کیسے کام کرتا ہے۔
اس کا کہنا تھا کہ ممکنہ طور پر یوٹیوب جیسی ویب سائٹ ہوسٹ نیم کو نارملائز نہیں کرتیں اور اس وجہ سے پیج کا مواد تو نظر آتا ہے مگر دیگر چیزیں جیسے اشتہارات غائب ہوجاتے ہیں۔
لائیو ٹی وی