منشا پاشا دوستوں کی جانب سے دی گئی ’سرپرائز‘ پارٹی سے خوش

20 اکتوبر 2020

ای میل

سالگرہ پارٹی میں اداکارہ اپنے منگیتر کے ساتھ دکھائی دیں—فوٹو: انسٹاگرام
سالگرہ پارٹی میں اداکارہ اپنے منگیتر کے ساتھ دکھائی دیں—فوٹو: انسٹاگرام

اداکارہ منشا پاشا یوں تو آج کل ٹی وی اور فلموں سے دور ہیں، تاہم وہ سوشل میڈیا پر متحرک رہنے کی وجہ سے خبروں میں رہتی ہیں۔

حال ہی میں منشا پاشا نے اپنی 33 ویں سالگرہ منائی، جس کی ویڈیو بھی انہوں نے سوشل میڈیا پر شیئر کی جو دیکھتے ہی دیکھتے وائرل ہوگئی۔

منشا پاشا نے اپنے انسٹاگرام پر 33 ویں سالگرہ کی مختصر ویڈیو شیئر کی، جس میں انہیں ایک اور دوست کے ساتھ سالگرہ کا کیک کاٹتے ہوئے دیکھا جا سکتا ہے۔

ساتھ ہی ویڈیو میں منشا پاشا کو اپنے منگیتر اور سماجی رہنما جبران ناصر کے ساتھ بھی رومانوی انداز میں دیکھا جا سکتا ہے۔

A photo posted by Instagram (@instagram) on

منشا پاشا نے سالگرہ کی ویڈیو شیئر کرتے ہوئے مداحوں کو بتایا کہ 17 اکتوبر کو ان کے دوستوں نے ان کی سالگرہ کی سرپرائز پارٹی منعقد کی، جس کا انہیں اندازا ہی نہیں تھا۔

اداکارہ نے بتایا کہ 17 اکتوبر کو ان کے ایک اور دوست سیف کی منگنی بھی ہوتی ہے اور انہوں نے اپنی سالگرہ کی مناسبت کے حوالے سے ان کی برتھ ڈے پارٹی کا بھی اہتمام کیا۔

یہ بھی پڑھیں: منشا پاشا اور جبران ناصر نے منگنی کرلی

منشا پاشا کے مطابق سیف اور اس کی اہلیہ نے ان کے اور جبران ناصر کے لیے سرپرائز پارٹی کا انعقاد کیا اور انہیں پارٹی میں قریبی دوستوں کے ساتھ وقت گزار کر اچھا لگا۔

A photo posted by Instagram (@instagram) on

ویڈیو میں منشا پاشا کو انتہائی خوش دیکھا جاسکتا ہے، ساتھ ہی جبران ناصر اور دیگر مہمانوں کو بھی خوش دیکھا جاسکتا ہے۔

منشا پاشا نے انسٹاگرام پر اپنے گھر میں منائی گئی برتھ پارٹی کی ویڈیو بھی شیئر کی اور بتایا کہ وہ ہر سال گھر میں بھی بچپن سے ہی اپنی سالگرہ مناتی آ رہی ہیں۔

منشا پاشا کو ان کی 33 ویں سالگرہ پر شوبز شخصیات سمیت ان کے مداحوں نے مبارک باد دیتے ہوئے ان کے لیے نیک خواہشات کا اظہار بھی کیا۔

خیال رہے کہ منشا پاشا نے دسمبر 2019 میں جبران ناصر سے منگنی کرلی تھی اور دونوں جلد شادی کا ارادہ بھی رکھتے ہیں۔

A photo posted by Instagram (@instagram) on