سونیا حسین کے پرانے بیان سے شرمین عبید چنائے ناخوش

اپ ڈیٹ 01 جولائ 2021
سونیا حسین نے 2018 کے ٹی وی شو میں ماہرہ خان سے متعلق سوال کا جواب دیا تھا—فائل فوٹو: فیس بک/ اسکرین شاٹ/ یوٹیوب
سونیا حسین نے 2018 کے ٹی وی شو میں ماہرہ خان سے متعلق سوال کا جواب دیا تھا—فائل فوٹو: فیس بک/ اسکرین شاٹ/ یوٹیوب

آسکر اور گریمی ایوارڈ یافتہ فلم ساز شرمین عبید چنائے نے سونیا خان کے پرانے بیان پر ناخوشی کا اظہار کرتے ہوئے ان پر واضح کیا ہے کہ وہ خود کو دوسری اداکاراؤں سے تشبیہ نہ دیں۔

سونیا حسین نے تین سال قبل ایک سوال کے جواب میں کہا تھا کہ اگر وہ ماہرہ خان ہوتیں تو بولی وڈ فلم ’رئیس‘ میں کام نہ کرتیں۔

سونیا حسین نے اگست 2018 میں ہم ٹی وی پر نشر ہونے والے پروگرام یاسر حسین کے شو میں ایک سیگمنٹ کے دوران مذکورہ بات کہی تھی۔

پروگرام کے میزبان نے سونیا حسین سے پوچھا تھا کہ اگر وہ ماہرہ خان ہوتیں تو کون سی فلم میں کام نہ کرتیں اور پھر میزبان نے انہیں آپشن کے طور پر ماہرہ خان کی تین فلموں ’ورنہ، رئیس اور ہو من جہاں‘ کے نام بتائے تھے۔

سونیا حسین نے 2018 میں بات کی تھی—اسکرین شاٹ
سونیا حسین نے 2018 میں بات کی تھی—اسکرین شاٹ

سونیا حسین نے جواب میں کہا تھا کہ اگر وہ ماہرہ خان ہوتیں تو بھارتی فلم ’رئیس‘ میں کام نہ کرتیں، جس پر میزبان نے ان سے تعجب سے پوچھا تھا کہ وہ بولی وڈ بادشاہ شاہ رخ خان کے ساتھ کیوں کام نہ کرتیں؟

جس پر سونیا حسین نے واضح کیا تھا کہ اس لیے کہ انہیں لگتا ہے کہ اداکار کو اپنا کردار دیکھ کر اداکاری کرنی چاہیے، نہ کہ صرف ہیرو کی سائیڈ میں رہنے کی وجہ سے کردار ادا کرنا چاہیے۔

یہ بھی پڑھیں: 'رئیس' کے نئے پوسٹرز: ماہرہ خان مکمل توجہ کا مرکز

سونیا حسین کا خیال تھا کہ ’رئیس‘ میں ماہرہ خان کو اہم کردار میں نہیں دکھایا گیا بلکہ انہیں ہیرو کے آگے پیچھے والے کردار کے طور پر دکھایا گیا۔

سونیا خان کے مذکورہ بیان کو حال ہی میں ’گرازیا میگزین‘ کے انسٹاگرام پر شیئر کیا گیا، جس پر کئی لوگوں نے کمنٹس کیے اور اسی پوسٹ پر شرمین عبید چنائے نے بھی کمنٹ کیا۔

شرمین عبید چنائے نے اپنے کمنٹ میں سونیا یا ماہرہ خان کو مینشن نہیں کیا، البتہ وہ سونیا خان کے جواب سے ناخوش دکھائی دیں۔

شرمین عبید چنائے نے سونیا حسین کے لیے لکھا کہ وہ خود کو ماہرہ خان سے تشبیح نہ دیں، وہ کبھی بھی ماہرہ خان نہیں بن سکتیں، اس لیے انہیں ایسا کہنے کی ضرورت بھی نہیں ہے۔

شرمین عبید چنائے نے سونیا حسین کو درس دے دیا—اسکرین شاٹ
شرمین عبید چنائے نے سونیا حسین کو درس دے دیا—اسکرین شاٹ

شرمین عبید چنائے نے سونیا حسین کو مزید ہدایات دیتے ہوئے لکھا کہ انہیں انڈسٹری میں موجود دوسری خواتین کی ایسے بے ادبی نہیں کرنی چاہیے، کیوں کہ ایسی بات کرنے سے ان کی پرورش کی عکاسی بھی ہوتی ہے۔

خیال رہے کہ ماہرہ خان کی پہلی اور اب تک کی واحد بولی وڈ فلم ’رئیس‘ 2017 میں ریلیز ہوئی تھی، جس میں انہوں نے شاہ رخ خان کی بیوی آسیہ کا کردار ادا کیا تھا۔

رئیس 2017 میں ریلیز ہوئی تھی—اسکرین شاٹ
رئیس 2017 میں ریلیز ہوئی تھی—اسکرین شاٹ

تبصرے (2) بند ہیں

Legal Jun 30, 2021 05:26pm
Tweet of Ms. Chinoy is unfortunate - She may disagree - absolutely fine but critcizing upbringing of others - it is not a comment nor is a healthy criticism - you are criticizing someone's family - needs to be discouraged - Saying that certain role is not according to the stature of Ms. Mahira Khan and I were her I won't do it - agree or disagree but how does it reflect one's poor thoughts and that of its family as well - I recall Ms. Chinoy is same woman who threatened a doctor over social media for sending friend request to her sister and said that he does not know the family with which he dared to mess up! We should not blow the things out of proportion.
Sami Jul 01, 2021 11:11am
What she did with those poor acid attack victims without paying them is also before us Ms. Chinoy. Look into yourself first then criticize others.